قازاقستاننىڭ ءار ازاماتى كەپىلدى كولەمدەگى تەگىن مەديتسينالىق كومەك (ككتمك) الۋعا قۇقىلى. بۇل تۋرالى بۇگىن e-gov ۇكىمەتتىك پورتالى حابارلادى. ول كىمدەرگە بەرىلەدى؟ جانە ونى قالاي الۋعا بولادى؟

تەگىن مەديتسينالىق كومەك قر ازاماتتارى مەن ورالماندارعا بەرىلەدى. تەگىن مەديتسينالىق كومەك بيۋدجەت ەسەبىنەن كورسەتىلەدى جانە وعان تيىمدىلىگى دالەلدەنگەن پروفيلاكتيكالىق، دياگنوستيكالىق جانە ەمدىك مەديتسينالىق قىزمەتتەر جاتادى. قازاقستانداعى دەنساۋلىق ساقتاۋ رەسپۋبليكالىق جانە جەرگىلىكتى بيۋدجەت ەسەبىنەن قارجىلاندىرىلادى.

ياعني، قر ءاربىر ازاماتى تۇرعىلىقتى-تىركەلگەن جەرىندەگى مەديتسينالىق قىزمەتتى تەگىن پايدالانۋعا قۇقىلى.

ال، رەسپۋبليكالىق بيۋدجەت ەسەبىنەن كورسەتىلەتىن ككتمك-كە كەلەسىلەر جاتادى:

مامانداندىرىلعان مەديتسينالىق كومەك كورسەتۋ، ونىڭ ىشىندە دەنساۋلىق ساقتاۋ ۇيىمىنىڭ جولداماسى بويىنشا بالالار مەن ەرەسەكتەرگە رەابيليتاتسيالىق كومەك كورسەتۋ: حيرۋرگيالىق، نەيروحيرۋرگيالىق، ۋرونەفرولوگيالىق، پسيحياتريالىق، ونكولوگيالىق جانە راديولوگيالىق، دەرماتولوگيالىق جانە ۆەنەرولوگيالىق، وفتالمولوگيالىق، كارديولوگيالىق، اكۋشەرلىك-گينەكولوگيالىق، سونداي-اق دەنساۋلىققا زيان ءارى قاۋىپتى وندىرىستىك فاكتورلارعا، تۋبەركۋلەز بەن الاپەسكە بايلانىستى اۋرۋلار.

ايتۆ جۇقتىرعان ناۋقاستارعا مەديتسينالىق كومەك كورسەتۋ.

توتەنشە جاعدايلار ناتيجەسىندە پايدا بولعان اۋرۋلارعا بايلانىستى مەديتسينالىق كومەك كورسەتۋ.

سوت-مەديتسينا ساراپتاماسى.

رەسپۋبليكالىق بيۋدجەت ەسەبىنەن كورسەتىلەتىن ككتمك-كە كەلەسىلەر جاتادى:

ماماندىرىلعان امبۋلاتوريالىق-ەمحانالىق ۇيىمدارداعى قىزمەتكەرلەر كورسەتەتىن العاشقى مەديتسينالىق-سانيتارلىق، كونسۋلتاتيۆتىك-دياگنوستيكالىق كومەك. تەگىن مەديتسينالىق كومەك العاشقى مەديتسينالىق-سانيتاريالىق كومەك قىزمەتكەرىنىڭ جولداماسى بويىنشا كورسەتىلەدى. 18 جاسقا تولماعان بالالارعا، جۇكتى ايەلدەر مەن ءتىسى اۋىرسىنىپ كەلگەن ناۋقاستارعا دا ستوماتولوگيالىق قىزمەت تەگىن كورسەتىلەدى، بۇعان ورتودونتتىق قىزمەت جاتپايدى. 18 جاسقا تولماعان بالالارعا فيزيوتەراپەۆتيكالىق قىزمەت تەگىن كورسەتىلەدى.

جەدەل جاردەم قىزمەتتەرى.

جەرگىلىكتى دەڭگەيدە بالالار مەن ەرەسەكتەرگە ستاتسيونارلىق مەديتسينالىق كومەك كورسەتۋ، ونىڭ ىشىندە وڭالتۋ قىزمەتى:

جەدەل جاردەم;

العاشقى مەديتسينالىق-سانيتارلىق قىزمەت مامانىنىڭ جولداماسى نەگىزىندە اۋرۋلاردىڭ بارلىق تۇرلەرى بويىنشا جوسپارلى قىزمەت كورسەتۋ، ونىڭ ىشىندە: ونكولوگيالىق، پسيحونەۆرولوگيالىق، ينفەكتسيالىق، وفتالمولوگيالىق، حيرۋرگيالىق، نەيروحيرۋرگيالىق، ورتوپەديالىق، ۋرونەفرولوگيالىق، تەراپەۆتيكالىق، تراۆماتولوگيالىق، دەرماتولوگيالىق جانە ۆەنەرولوگيالىق، جۇكتى ايەلدەر مەن گينەكولوگيالىق اۋرۋلار، الكوگوليزم جانە ناركومانيا، تۋبەركۋلەز، قانت ديابەتى، برونح جانە وكپە اۋرۋلارى;

ايتۆ جۇقتىرعان ناۋقاستارعا مەديتسينالىق كومەك كورسەتۋ.

توتەنشە جاعدايلار ناتيجەسىندە پايدا بولعان اۋرۋلارعا بايلانىستى مەديتسينالىق كومەك كورسەتۋ.

بۇل تۇرعىدا، بيىل دەنساۋلىق ساقتاۋ ءمينيسترى ەلجان ءبىرتانوۆ  العاشقى مەديتسينالىق كومەك ماماندارىنىڭ قۇزىرەتىن ارتتىرۋ بويىنشا بەيىندى دارىگەرلەرگە وكىلەتتىكتەر بەرۋدى ەسكەرە وتىرىپ، العاشقى مەديتسينالىق كومەك ماماندارىنىڭ قىزمەتتەرىن كەڭەيتۋ جانە وتباسىلىق دارىگەرلەردى ديپلومنان كەيىن وقىتۋ جاڭا ستاندارتىن ەنگىزۋدى  جوسپارلاپ وتىرعانىن ايتقان بولاتىن.

سونىمەن قاتار، العاشقى مەديتسينالىق كومەك ماماندارىنا شاققاندا قارالاتىن پاتسيەنتتەر سانىن 1700 ادامعا دەيىن تومەندەتىپ، مەديتسينالىق مامانداردىڭ جۇكتەمەسىن ازايتۋدى قامتاماسىز ەتۋدى دە قولعا العانىن مالىمدەگەن-ءدى.

ال، تەگىن مەديتسينالىق كومەك پاكەتىن قايتا قاراۋ بارىسىندا، نەگىزگى دەگەن ەكى ماسەلەنىڭ باسىن اشىپ الۋ قاجەت. ونىڭ ءبىرىنشىسى – ەتيكا­عا قاتىس­تى ماسەلە. تمككك پاكە­تى ءبارى­مىزگە ورتاق يگىلىك. سول سەبەپ­تى تىزىمدەگى قىزمەتتەردىڭ قاي­سى­سىن الىپ تاستاپ، قايسىسىن قال­دىرۋ كەرەك دەگەن ماسەلە جۇرتشى­لىق­تىڭ تالقىسىنا سالىنۋى ­تيىس.

ەكىن­شىسى – تەحنيكالىق ماسەلە. ونىڭ ءبىر ۇشى ءتىزىم قانداي بولۋى كەرەك دەگەن سۇراققا كەلىپ تىرە­لەدى. ۇكىمەتتىڭ قاۋلىسىمەن بەكى­تىل­گەن قازىرگى تمككك ءتىزىمى ا4 فور­ماتىنداعى ءتورت پاراقتان تۇرا­دى. قاراپايىم ازاماتقا ونىڭ نە ەكەنىن ءتۇسىنۋ ءۇشىن بۇل قۇجات ازدىق ەتەدى. بۇل ءۇشىن دەنساۋلىق ساقتاۋ سالاسىنداعى زاڭداردى ءبىلىپ قانا قويماي، مەديتسينالىق كومەك كور­سەتۋ ءتارتىبى مەن شارتتارى ج­ا­زىل­عان كوپتەگەن زاڭ اكتىلەرىمەن تانىسىپ شىعۋ قاجەت. سوندىقتان مازمۇنى تولىق، ناقتى جازىلعان، كولەمدى قۇجات ازىرلەۋ قاجەتتىگى تۋىندايدى.

Abai.kz