سارىاعاش اۋدانى اكىمدىگىنىڭ ءماجىلىس زالىندا «تسيفرلىق قازاقستان» مەملەكەتتىك باعدارلاماسى اياسىندا كەزدەسۋ جيىنى ءوتتى. بۇل تۋرالى سارىاعاش اۋدانى اكىمىنىڭ ءباسپاسوز قىزمەتى حابارلادى.

«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

اتالعان جيىنعا «تۇركىستان» اكك» اق فيليالى «تۇركىستان وبلىسىنىڭ تسيفرلاندىرۋ ورتالىعىنىڭ» ديرەكتورى ا.جانگۋلوۆ، ديرەكتوردىڭ ورىنباسارى س.سەمبيەۆ، اتالعان ورتالىقتىڭ باس مەنەدجەرى ا.سۇلەيمەنوۆ جانە سارىاعاش قالاسىنىڭ اكىمى س.سۇلەيمەنوۆا، اۋداننىڭ ءبولىم باسشىلارى مەن ماماندارى قاتىستى.

جيىننىڭ ماقساتى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «تسيفرلىق قازاقستان» مەملەكەتتىك باعدارلاماسى اياسىندا سارىاعاش قالاسىندا «Smart city — اقىلدى قالا» اتتى جاڭا كەشەندى جوبا جاساقتالۋدا. مۇنىڭ باستى ماقساتى — تۇرعىندار ءومىرىنىڭ قاۋىپسىزدىگىن قامتاماسىز ەتۋ، سونىمەن قاتار قوعامدىق ءتارتىپ پەن جول ەرەجەلەرىن ساقتاۋ، قورشاعان ورتانى قورعاۋ.

Abai.kz