جەكسەنبى, 5 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
انىق 2799 0 پىكىر 5 قاراشا, 2018 ساعات 11:51

اباەۆ: ازيا مەن ەۋروپا اراسىندا تسيفرلىق كوپىر بولعىمىز كەلەدى

بۇگىن قر اقپارات جانە كوممۋنيكاتسيالار مينيسترلىگىنىڭ ۇيىمداستىرۋىمەن، «زەردە» ۇلتتىق ينفوكومۋنيكاتسيا حولدينگى» اق جانە Astana Hub حالىقارالىق تەحنوپاركىنىڭ قولداۋىمەن «Digital Bridge» حالىقارالىق يننوۆاتسيالىق فورۋمى باستالدى.

قر اقپارات جانە كوممۋنيكاتسيالار ءمينيسترى داۋرەن اباەۆ فورۋمنىڭ اشىلۋىندا ءسوز سويلەدى.

«فورۋمعا 2500 مىڭنان استام قاتىسۋشى كەلىپ وتىر. سونداي-اق، الەمنىڭ الدىڭعى قاتارلى كومپانيالارى مەن ۇيىمدارىنىڭ 200 جەتەكشىسى، مىڭداعان ينۆەستور مەن ءتۇرلى ستارتاپ جوبا اۆتورى بار. وسىلايشا العا قويعان ماقساتىمىزدىڭ جۇزەگە اسۋىنا داڭعىل جول اشىلدى. ويتكەنى جوبانىڭ باستى يدەياسى – تىڭ يدەيالاردان قۋات الىپ ءوزارا تاجىريبە الماسۋ، ازيا مەن ەۋروپا تەحنولوگيالىق ورتالىقتارىنىڭ اراسىندا التىن كوپىر بولۋ»، - دەپ اتاپ ءوتتى مينيستر فورۋم اشىلۋىندا.

اباەۆ قازاقستاندا جۇزەگە اسىرىلىپ وتىرعان يننوۆاتسيالىق تەحنولوگيالار تۋرالى ايتتى.

«ەلىمىزدە وزدەرىڭىز كورىپ وتىرعانداي بۇگىن يننوۆاتسيالىق جۇيەلەر ىسكە قوسىلۋدا. ەرتەڭ پرەزيدەنت حالىقارالىق استانا تەحنوپاركىن اشىلۋىن مالىمدەيدى جانە بۇل قازىرگى زامانداعى قازاقستاننىڭ تەحنولوگيالىق دامۋىنداعى جاڭا كۇنگە اينالماق. ءبىز ۇلى جىبەك جولىنىڭ مۇراگەرلەرى رەتىندە ازيا مەن ەۋروپا اراسىندا تسيفرلىق كوپىر بولعىمىز كەلەدى. قاتىسقاندارىڭىز ءۇشىن تاعى دا العىسىمدى ايتامىن. تابىستى جۇمىس پەن قىزىقتى تالقىلاۋ تىلەيمىن»، - دەپ ءسوزىن تۇيىندەدى داۋرەن اباەۆ.

ايتا كەتسەك، فورۋمعا حالىقارالىق ءىت-قوعامداستىق وكىلدەرى، تەحنولوگيا سالاسىنداعى بەلگىلى ساراپشىلار، كاسىپورىن باسشىلارى، تەحنولوگيالىق كاسىپكەرلەر مەن وزگە دە ەلدەردىڭ مەملەكەتتىك سەكتورلارى وكىلدەرى، عالىمدار، كاسىپقوي تسيفرلىق ازىرلەۋشىلەر، سونىمەن بىرگە ۆەنچۋرلىق كاپيتاليستەر مەن ينۆەستورلار قاتىستى.

بۇگىن Digital Bridge الاڭىندا 50-دەن اسا قازاقستاندىق جانە حالىقارالىق سپيكەرلەر ءسوز سويلەدى، ولاردىڭ ىشىندە: Startup Genome باس ديرەكتورى جان-فرانسۋا گوتە; CEO Hyperloop Transportation ديرك البورن; ستارتاپ اكادەمياسىنىڭ مەنتورى جانە كەڭەسشى، ستارتاپ تاقىرىبى بويىنشا ساتىلىمعا ەڭ كوپ شىققان كىتاپتىڭ اۆتورى بوب دورف; گالاكتيكا جەكە مەنشىك عارىش كومپانياسىنىڭ نەگىزىن قالاۋشى جانە يەسى اليا پروكوفەۆا; Priceline Group قوسا نەگىزىن قالاۋشى دجەفف حوففمان; ۆەنچۋرلىق كاپيتالدىڭ حالىقارالىق فيرماسى Global Catalyst Partners توراعاسى جانە تەڭ مەردىگەرى كامران ەلاحيان بار.

فورۋم اياسىندا «تسيفرلىق ەكونوميكا دامۋىنىڭ جاھاندىق ترەندى جونىندە ديالوگى» اتتى پلەنارلىق سەسسياسى وتەدى. سونىمەن بىگە تسيفرلاندىرۋ سالاسىنداعى ەڭ العاشقى Digital Bridge Awards جۇلدەسى تابىستالادى.

Abai.kz

0 پىكىر