دۇيسەنبى, 26 قىركۇيەك 2022
2227 0 پىكىر 31 قازان, 2018 ساعات 10:25

الماتىدا جىل سوڭىنا دەيىن العاشقى ەلەكتروندى تابلو پايدا بولادى

الماتى اكىمدىگىندە قالا ايالدامالارىندا قوعامدىق كولىك قوزعالىسىنىڭ كەستەسىن كورسەتەتىن ەلەكتروندى تابلولاردىڭ قاشان پايدا بولاتىنى تۋرالى ايتىلدى.

«اكىمدىك ايالدامالارعا تسيفرلى تابلولار ورناتۋعا قارسى ەمەس. مۇندا ولاردى قالا بيۋدجەتىنەن تىس قارجى ەسەبىنەن ورناتۋ تۋرالى ايتىلدى. العاشقى تابلو تيميريازەۆ كوشەسى بويىنداعى BRT جەلىسىندە جىل سوڭىنا دەيىن پايدا بولادى. بۇل ءىستى كولىك حولدينگى ءوز موينىنا الىپ وتىر. مەگاپوليس اكىمىنىڭ تاپسىرماسىنا وراي ءبىز بۇل ءىستى بيۋدجەتتەن تىس قارجى ەسەبىنەن ورىندايمىز جانە قالانىڭ ءىرى توراپتىق ايالدامالارىن تسيفرلى تابلولارمەن قامتاماسىز ەتەمىز»، - دەدى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى تالعات حوسچانوۆ.

ول ءوزىنىڭ سوزىندە 200 مىڭنان استام تۇتىنۋشىنىڭ ونلاين-رەجيمدە كارتا بويىنشا كولىك قوزعالىسىن «وڭاي» قوسىمشاسىنداعى QR-كودى ارقىلى بىلەتىنىن جەتكىزدى. 360 مىڭ بەلسەندى قولداۋنشى CityBus قوسىمشاسىن پايدالانۋدا.

جىل اياعىنا دەيىن ءار ايالداماعا قوعامدىق كولىك باعىتىنىڭ ءنومىرى، جۇمىس ۋاقىتى كورسەتىلگەن اكتۋالدى اقپارات ىلىنەدى.

ايتا كەتەرلىگى، جىل اياعىنا دەيىن الماتىدا جاڭا قوعامدىق كولىكتىڭ ۇلەسى 87 پايىزعا دەيىن جەتەتىن بولادى. وتكەن اپتادا قالاعا تاعى 200 جاڭا اۆتوبۋس كەلدى.

«ەسكى ءارى ءتۇتىن شىعاراتىن اۆتوبۋستار قالادا ءجۇرۋى ءتيىس ەمەس. ەگەر كورسەتىلگەن قولداۋعا قاراماستان جەكە تاسىمالداۋشى جىلجىمالى سوستاۆتى جاڭالاماسا، وندا ولارمەن كەلىسىم بۇزىلادى. جاڭا تەحنولوگيالاردى ەنگىزىپ، بولاشاقتا ءبىر كولىكتەن ەكىنشىسىنە تەگىن اۋىسۋدى قاراستىرعان ءجون. جولاۋشىلاردىڭ كولىك جۇمىسىنا قاناعاتتانۋى – تاسىمالداۋدىڭ باستى كريتەريى. جەكە كولىكتى قازىرگى دەڭگەيدە ۇستاپ تۇرۋ ءۇشىن لايىقتى بالاما ۇسىنۋ قاجەت»، - دەدى كەشە جاڭا اۆتوبۋستاردىڭ تۇساۋكەسەرىندە باۋىرجان بايبەك.

Abai.kz

0 پىكىر