ءدىننىڭ قوعامداعى ءرولىنىڭ ارتىپ كەلە جاتقانىن تۇسىنگەن قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ الەمدىك جانە ءداستۇرلى دىندەر كوشباسشىلارىنىڭ فورۋمىن وتكىزۋ تۋرالى باستاما كوتەرگەن بولاتىن.

مەملەكەت باسشىسىنىڭ پايىمىنشا، سەنىم مەن ءوزارا تۇسىنىستىك نەگىزىندە قۇرىلعان الەمدىك جانە ءداستۇرلى دىندەر كوشباسشىلارىنىڭ ديالوگى وسى سالاداعى حالىقارالىق ىنتىماقتاستىقتىڭ كەڭ پەرسپەكتيۆالارىن اشىپ، توزىمسىزدىك، كەمسىتۋشىلىك، زورلىق-زومبىلىق، ءدىني ەكسترەميزم جانە تەرروريزم جانە ت.ب. قازىرگى زامانداعى تەرىس كورىنىستەردى جەڭۋگە كومەكتەسەدى.

2018 جىلعى 10-11 قازاندا استانا قالاسىندا الەمدىك جانە ءداستۇرلى دىندەر كوشباسشىلارىنىڭ VI سەزى وتەدى.

وسىلايشا، 2018 جىلدىڭ 10-11 قازانىندا قازاقستاننىڭ ەلورداسى استانا قالاسىندا الەمدىك جانە ءداستۇرلى دىندەر كوشباسشىلارىنىڭ كەزەكتى VI سەزى وتەدى. الداعى سەزدىڭ تاقىرىبى: «ءدىني ليدەرلەر قاۋىپسىز الەم ءۇشىن».

سەزد جۇمىسىنا الەمنىڭ 42 ەلىنەن 80-نەن استام دەلەگاتسيا قاتىسادى. ولاردىڭ ىشىندە بەدەلدى ساياساتتانۋشىلار، يسلام، حريستيان، يۋدايزم، بۋدديزم، يندۋيزم، داوسيزم، زورواستريزم دىندەرىنىڭ ليدەرلەرى، سونداي-اق، بۇۇ، ەقىۇ، يۋنەسكو، امل (اراب مەملەكەتتەرىنىڭ ليگاسى) جانە ت.ب حالىقارالىق جانە  قوعامدىق ۇيىمدار وكىلدەرىنىڭ قاتىسۋى جوسپارلانۋدا.

التىنشى سەزد اياسىندا 2 پلەنارلىق سەسسيا جانە 4 سەكتسيالىق وتىرىستار وتەدى. سەكتسيالىق وتىرىستاردىڭ تاقىرىبى: «الەم. ءححى عاسىر» مانيفەسى» جاھاندىق قاۋىپسىزدىكتىڭ تۇجىرىمداماسى رەتىندە»، «قۇبىلمالى گەوساياساتتاعى ءدىن: ادامزاتتىڭ ىنتىماعى ءۇشىن جاڭا مۇمكىندىكتەر»، «ءدىن جانە جاھاندانۋ: قاتەرلەر مەن جاۋاپتار»، «ءدىني كوشباسشىلار مەن ساياسي قايراتكەرلەر ەكسترەميزم جانە تەرروريزمدى ەڭسەرۋدە».

بۇدان بولەك، فورۋم اياسىندا ءداستۇرلى تۇردە ءدىن ليدەرلەرى كەڭەسىنىڭ ءۇشىنشى وتىرىسى وتەدى.

سەزدىڭ اشىلۋىنا سەربيا پرەزيدەنتى الەكساندر ۆۋيچ، «ءال-ازحار» باس يمامى شەيح مۋحاممەد احماد ات-تايەبا،  ەقىۇ باس حاتشىسى توماس گرەمينگەر،   اسا قاسيەتتى پاتريارح فەوفيل ءىىى، اسا مارتەبەلى كاردينال، قۇقىقتىق ماتىندەردى ينتەرپريتاتسيالاۋ جونىندەگى پاپالىق كەڭەستىڭ قۇرمەتتى توراعاسى فرانچەسكو كوككوپالمەريو، ءيزرايلدىڭ باس سەفارد ءراۆۆينى يتسحاكا يوسيف  جانە ت.ب  قاتىسۋى جوسپارلانۋدا.

2015 جىلى  وتكەن  V سەزدەگى مەملەكەت باسشىسىنىڭ باستامالارىن ورىنداۋ اياسىندا، ءىس-شارا وتەتىن كۇندەرى بەيبىتشىلىك جانە كەلىسىم مۇراجايى اشىلادى، سونداي-اق، دىنارالىق ديالوگ پەن فورۋم جۇمىسىنا بەلسەندى ۇلەس قوسقانى ءۇشىن  استانا حالىقارالىق سىيلىعى جانە سەزدىڭ قۇرمەت گراموتالارى تابىستالادى.

ەسكە سالا كەتەيىك، العاش رەت الەمدىك جانە ءداستۇرلى دىندەر كوشباسشىلارىنىڭ العاشقى سەزى 2003 جىلعى 23-24 قىركۇيەكتە وتكەن بولاتىن.

سەزد 15 جىل ىشىندە كونفەسسياارالىق جانە دىنارالىق قاتىناستار ماسەلەلەرىن تالقىلاۋعا ارنالعان بەدەلدى حالىقارالىق الاڭعا اينالدى.

الەمدىك جانە ءداستۇرلى دىندەر كوشباسشىلارىنىڭ سەزىن وتكىزۋ ارقىلى قازاقستان بۇكىل الەمدىك قوعامداستىق الدىندا ۇلتتىق كونسەنسۋستىڭ جانە قوعامدى بىرىكتىرۋدىڭ ۇلگىسىن كورسە ءبىلدى. ءبىزدىڭ ەلىمىز ەتنوسارالىق جانە كونفەسسياارالىق كەلىسىمدى ساقتاۋ بويىنشا ۇلكەن تاجىريبەگە يە جانە وسى سالادا  ءاردايىم ءتيىمدى ىنتىماقتاستىققا دايىن.

Abai.kz