"وسى سەندەردىڭ ءوز تىلدەرىڭ بار ما؟" دەدى
كەزىندە قازاق ءتىلىن مەملەكەتتىك ءتىل ەتە وتىرىپ، وعان ءتىل تۋرالى زاڭدا "رەسمي ءتىل" دەگەندى مىنگەستىرىپ جىبەرۋىنىڭ پايدالى جاقتارى بولسا بولعان شىعار؟!
ول جاعى مەن ءۇشىن بەيمالىم..
ال قازاقستان اتتى ەلدىڭ مەملەكەت قۇراۋشى ەتنوسى - قازاقتاردى بىرىكتىرۋگە قىزمەت اتقارماعانىنا كوزىم انىق جەتتى.
ۇيدە ءتىلى ورىسشا شىققان بالانىڭ ۇلتقا قىزمەت ەتە قويۋى قيىن-اۋ دەيمىن..
قازىر، الدەبىر مىسالداردى الدىعا تارتىپ، كەۋدەلەپ شىعا كەلەتىندەر تابىلادى. بىراق ەندى، مەنى ونداي سوزدەر سەندىرە المايدى..
ۆەنگرياعا وقۋعا بارعانىنا ءبىر-اق اي بولعان ۇلىممەن كۇن سايىن سويلەسىپ تۇرامىن..
ۇلىم وقىپ جاتقان قالادا قازاقستاندىق جاستار بارشىلىق ەكەن.
"بىراق باسىمىز قوسىلماي جاتىر. سولتۇستىك وبلىستاردىڭ قازاقتارى رەسەيلىكتەرمەن بىرگە جۇرەدى. ءبىر جولى اڭگىمە اراسىندا سولاردىڭ ءبىرى ء"بىز ەلىمىزدە قازاق ءتىلىن مۇلدەم پايدالانبايمىز" دەپ قالدى.
شىداماي، ورنىمنان تۇرىپ، "سەن وزىڭە جاۋاپ بەر. وڭتۇستىك پەن باتىس وبلىستاردا ورىس ءتىلىن مۇلدەم بىلمەيتىندەر جەتەرلىك" - دەپ، قايتارىپ تاستاۋعا ءماجبۇر بولدىم.
ال بىردە ءازىربايجان جىگىتتەرى "قازاقتار! وسى سەندەردىڭ ءوز تىلدەرىڭ بار ما؟ ءار قايسىڭ ءار توپتا جۇرسىڭدەر" - دەپ نامىسقا تيەرلىك ءسوز ايتىپ قالدى. قايتارار ءۋاج تابىلمادى"
ءومىر شىنىبەكۇلىنىڭ facebook پاراقشاسىنان
Abai.kz
