قازاقستان پرەزيدەنتى الماتى قالاسىنا جۇمىس ساپارى بارىسىندا جاياۋ جۇرگىنشىلەر مەن ۆەلوسيپەدشىلەر ءۇشىن ينفراقۇرىلىمى قايتا جاساقتالعان اباي جانە نۇرسۇلتان نازارباەۆ داڭعىلدارىن ارالاپ كوردى، - دەپ حابارلايدى اباي-اقپارات اقوردانىڭ سايتىنا سىلتەمە جاساپ.

قالا اكىمى باۋىرجان بايبەك مەملەكەت باسشىسىنا شاھار تىرشىلىگىن ساۋلەت-قۇرىلىس جۇرگىزۋ تۇرعىسىنان رەتتەۋ ءۇشىن پيلوتتىق رەجىمدە ەنگىزىلگەن جاڭا ديزايىن-كود ءادىسى جونىندە مالىمدەدى. بۇل ءادىس مەگاپوليستىڭ بىرىڭعاي ءستيلىن قالىپتاستىرۋعا ارنالعان ءارى ءبىر قۇجاتتا ناقتىلانعان ەرەجەلەر مەن ۇسىنىمداردى ايقىندايدى.

سونىمەن قاتار، نۇرسۇلتان نازارباەۆ جالپى ۇزىندىعى 8,7 شاقىرىمدى قامتيتىن تيميريازەۆ جانە جاندوسوۆ كوشەلەرىنىڭ بويىمەن تارتىلعان BRT كوشە-جول جەلىسىمەن تانىستى.

Abai.kz