امەريكانى ايتا بەردى دەپ سوكپەگەيسىزدەر. ءبىلىم كۇنىنە وراي ايتىلماسا بولمايتىن تاعى ءبىر وي بار.
وسىدان ەكى جىل بۇرىن بوستوندا ۇلىم الاش ءبىرىنشى سىنىپقا باردى. كەلەر جىلدىڭ كۇزىندە ەكىنشىگە كوشتى. ەكىنشىگە كەلسەك، مۇعالىم باسقا، وقۋشىلاردىڭ كوبى بىلتىر بىرگە وقىعاندار ەمەس. سويتسەك، مەكتەپتە سىنىپ جەتەكشىلەرىن جىل سايىن اۋىستىرىپ، وقۋشىلاردى كلاسستارعا قايتا ءبولىپ تاستايدى ەكەن. ايتالىق، مەكتەپتە ءبىرىنشى سىنىپتا ءتورت كلاسس بولسا، كەلەر جىلى ءار كلاسستى تورتكە ءبولىپ، كلاسستاردى قايتا جاساقتايدى. ونىڭ پايداسى مىناداي.
بىرىنشىدەن، وقۋشىلار وزگەرىسكە ۇيرەنەدى. وركەنيەت پەن دامۋ ءوزى وزگەرىستەن تۇرماۋشى ما ەدى! ونداعى بالالاردا مەكتەپ بىتىرگەنشە ءبىر بولمەدە، ءبىر پارتادا وتىرۋ دەگەن جوق. جىلدا وزگەرەدى. ۇلكەيگەن سوڭ وزگەرىستەن كوپ سترەسس المايتىن بولادى. وزگەرىستى ءومىردىڭ سوڭى دەپ ەمەس، باستاۋى دەپ ۇعاتىن بولادى. جالپى، ەگەر امەريكانى الەمنىڭ الپاۋىتى ەتىپ وتىرعان فورمۋلانى ءبىر سوزبەن جەتكىزەر بولسام، "وزگەرىس" دەر ەدىم. وزگەرىس عايىپتان تايىپ كەلە سالمايدى ەكەن. وزگەرىسكە ءبىرىنشى سىنىپتان باستاپ مىنە وسىلاي تاربيەلەيدى.
ەكىنشىدەن، مۇعالىم ماماندانادى. سەبەبى، ءبىرىنشى سىنىپتىڭ كلاسس جەتەكشىسى تەك قانا بىرىنشىگە، ەكىنشىنىڭ مۇعالىمى تەك قانا ەكىنشىگە عانا ساباق بەرەدى. امەريكانى الپاۋىت ەلگە اينالدىرىپ وتىرعان ەكىنشى كۇش - بۇل ماماندانۋ. ءبىرىنشى سىنىپ پەن ەكىنشى، ەكىنشى مەن ءۇشىنشى كلاسس بالالارىنىڭ تانىمدىق-پسيxولوگيالىق دامۋى ءارتۇرلى. سوندىقتان، ءومىر بويى ءبىرىنشى سىنىپقا ساباق بەرەتىن مۇعالىم سول جاستاعى بالالارمەن جۇمىس ىستەۋگە ماماندانادى. ءبىرىنشى سىنىپتارعا ءبىلىم بەرۋ جونىندە عىلىمي ماتەريالداردى وقيدى. جىل سايىن كاسىبي بىلىگىن جەتىلدىرىپ وتىرادى. بىزدە ءتورتىنشى سىنىپتى اياقتاتقان سىنىپ جەتەكشىسى ءبىرىنشى كلاسسقا قايتا ورالادى دا، ءبىراز ۋاقىتقا دەيىن ءوزىن ءوزى ءبىرىنشىنىڭ بالالارىنا ءتورتىنشى كلاسس وقۋشىرىنا ساباق بەرگەندەي ۇستاۋى مۇمكىن.  قورىتا ايتساق، دامۋدىڭ كوزدەرى وزگەرىس پەن ماماندانۋ مەكتەپتەن باستالادى.

شىڭعىس مۇقاننىڭ facebook پاراقشاسىنان

Abai.kz