بەيسەنبى, 2 ءساۋىر 2020
COVID-19 قازاقستاندا. جۇقتىرعاندار — 423. جازىلعاندار — 27. قايتىس بولعاندار — 3
1600 0 پىكىر 27 ءساۋىر, 2018 ساعات 08:45

تۇركىمەنستاندا سۋ ولشەۋىش قۇرالدار باعاسى قىمباتتاعان

تۇركىمەنستاندا ازىق-تۇلىك قىمباتتاۋىمەن قاتار، قىزمەت كورسەتۋ، سۋ ولشەۋىش قۇرالدارىنىڭ دا باعاسى وسكەن.

«قازىر سۋ ولشەۋىش قۇرالى 200 مانات (57 دوللار شاماسىندا) تۇرادى، ونى ورناتۋ 50 مانات. بىلتىر بۇل قۇرالدار 130 ماناتقا ساتىلعان، كەيىن بىرتىندەپ كوتەرىلە بەردى. 2017 جىلدىڭ اياعىندا قۇرالدارعا دەگەن تاپشىلىق بولعان. ەندى قىمباتتاعالى بەرى، بازارلاردا تۇر»، - دەيدى ازاتتىق راديوسى تۇركىمەن قىزمەتىنىڭ (ازاتلىك) اشحابادتاعى ءتىلشىسى.

20 ساۋىردە ەل ۇكىمەتى «تۇركمەنماشىنگۋرلۋشىك» كاسىپورىنى اياسىندا ەلەكتر ەنەرگياسىن، سۋدى ولشەيتىن قۇرالدار جاساپ شىعارادى دەپ مالىمدەگەن. كاسىپورىن جىلىنا 180 مىڭعا دەيىن قۇرالدار جاساپ شىعارادى ەكەن.

بىلتىر ەل بيلىگى سۋ، ەلەكتر ەنەرگياسى، گاز ءۇشىن حالىققا بەرىلگەن جەڭىلدىكتەردى الىپ تاستاپ، اقىلى ەتكەننەن كەيىن، ولشەۋ قۇرىلعىلارىنا دا سۇرانىس كوبەيگەن. تۇركىمەن حالقى 1990 جىلدان بەرى سۋدى، گازدى، ەلەكتر ەنەرگياسىن تەگىن قولدانىپ كەلگەن.

Abai.kz

0 پىكىر