تۇرىك باسىلىمدارىنىڭ جازۋىنشا، ستامبۇلدا حالىقارالىق بيزنەسپەن اينالىساتىن فيرمانىڭ ەلەكتروندى ادرەسى ارقىلى كومپانيانىڭ 9 ملن 120 مىڭ تۇرىك ءليرىن (2,4 ملن اقش دوللارى) ۇرلاعان. وپەراتسيا بارىسىندا 14 ادام ۇستالعان. ونىڭ جەتەۋى - شەتەلدىك.

ستامبۇل پوليتسياسىنداعى دەرەككوزدىڭ حابارلاۋىنشا، ۇستالعان شەتەلدىك حاكەرلىك توپتاعى ءبىر كۇدىكتىنىڭ اتى-ءجونى نۇرگوزەل گۋيدجوۆا.

تەرگەۋ بارىسىندا ەلەكتروندى پوشتانىڭ ادرەسىن "مەيل حاكەر" ۆيرۋسى ارقىلى ۇرلاعانى انىقتالعان.

پوليتسياداعى IT قىزمەتكەرلەر شابۋىلداۋشىلاردى تابۋ ءۇشىن، كومپانيا اتىنان جاڭا ەلەكتروندى پوشتا اشىپ، كومپانيا بەرەشەكتەرىنە اقشانى قايتارۋ جونىندە ءوتىنىش جىبەرگەن. وپەراتسيا كەزىندە ءوتىنىش-حاتتى حاكەرلىك توپتىڭ العانى بەلگىلى بولعان. ولار وسىلايشا تۇتقىنعا تۇسكەن.

Abai.kz