سەنبى, 25 مامىر 2024
قۇيىلسىن كوشىڭ 7863 4 پىكىر 31 قاڭتار, 2018 ساعات 09:22

قازاق ەلىنە كوشىپ كەلگەن قارت قاسىموۆتان اراشا سۇرايدى

قازاقستان رەسپۋبليكاسىنىڭ

 ىشكى ىستەر ءمينيسترى

قالمۇحانبەت قاسىموۆقا!

قۇرمەتتى قالمۇحانبەت نۇرمۇحانبەتۇلى!

قىتاي حالىق رەسپۋبليكاسىنىڭ ازاماتى، ۇلتى قازاق - سابىرعالي ءسولتانشارىپۇلى (15.04.1956 جىلى تۋعان) مەن جۇبايى تاراقان ساعاتبەكقىزى (15.09.1956 جىلى تۋعان) 2016 جىلدىڭ 27 ساۋىرىندە قازاقستان رەسپۋبليكاسىنا كوشىپ كەلىپ، اقمولا وبلىسى ەرەيمەنتاۋ اۋدانى كۇنشالعان اۋىلىنا تۇراقتاعان. ول كەزدە ۆيزالىق رۇقسات ۋاقىتى سول جىلدىڭ 13 جەلتوقسانىنا دەيىن بولعان.

كوشىپ كەلە سالا اقمولا وبلىسى ەرەيمەنتاۋ اۋداندىق كوشى-قون پوليتسياسىنا تۇراقتى تىركەلۋ ءۇشىن قۇجاتتارىن دايىنداپ بارعان كەزدە «قىتايعا، بەيجىڭگە بارىپ سوتتالماعاندارىڭىز تۋرالى انىقتاما اكەلەسىزدەر» دەپ بىرنەشە رەت قايتارىپ جىبەرگەن.

قىتاي ۇكىمەتى زاڭىندا ونداي انىقتاما بەرۋ تۋرالى ەش تارماقتا جازىلماعاندىقتان، وزدەرىنىڭ قىتاي ەلىندە تۋىپ-وسكەن اۋدانىنداعى پوليتسيا مەكەمەسىنەن «بۇرىن سوتتالماعان» دەگەن انىقتاما اكەلسە، ونى بۇل جاقتاعىلار جارامسىز دەپ تاپقان.

ەكى اياعى سالدانىپ، وزدىگىنەن جۇرە المايتىن سىرقاتقا شالدىققان وتاعاسىنىڭ قازىرگى اۋرۋ جاعدايى كورگەن ادامنىڭ جانىن اۋىرتادى. تىركەلۋ پروبلەماسىنا سىرقات قوسىلعان بۇل وتباسى اۋىر حالدەن قالاي شىعۋ جولىن تاپپاي داعدارۋدا.

ءسويتىپ ەكى ورتادا ءبىر جارىم جىلدىڭ ۇستىندە ساندالعان بۇل كىسىلەر قازىر تىعىرىققا تىرەلىپ وتىر.

ەكى اياعىنان جان كەتىپ، سالدانۋ اۋرۋىنا شالدىققان وتاعاسى سابىرعالي ءسولتانشارىپۇلى اقىرى ەرەيمەنتاۋ اۋداندىق اكىمشىلىك سوتىنا «قر-دا قالۋ ءۇشىن تۇراقتى تىركەۋگە الۋعا، سول ارقىلى قازاقستان رەسپۋبليكاسىنىڭ ازاماتى اتانۋ ماقساتى بار ەكەنىن» ايتىپ، ارىز جازادى. ول ءوتىنىشتى قابىلداعان اۋداندىق سوت: «اقبت قرك 517 بابىنىڭ 4 بولىگىمەن كىنالى» دەپ تانىپ، وعان ون بەس ايلىق ەسەپتىك كورسەتكىش كولەمىندە 36075 تەڭگە ايىپپۇل سالۋ» جونىندە شەشىم شىعارعان.

بۇل قاۋلىنى العان ولار ايىپپۇلدى تولەپ، اقمولا وبلىسىنىڭ ىشكى ىستەر دەپارتەمەنتىنە تۇراقتى تىركەۋگە قويۋ تۋرالى وتىنىشپەن بارعاندا ولار: «قىتايعا شىعىپ كەتۋ ۆيزاسىن اشىپ بەرەمىز. سوسىن، قازاقستان رەسپۋبليكاسىنا كەز-كەلگەن ۆيزامەن ايىپپۇلدى تولەگەن ساتتەن باستاپ 1 ء(بىر) جىل وتكەننەن كەيىن كەلۋىڭىز قاجەت» دەپ شىعارىپ سالادى.

قازاقستاندا تۇراقتى قالۋ ءۇشىن وتباسىمەن كوشىپ كەلىپ العان بۇل ازاماتتار ەندى قايدا بارارىن، نە ىستەرىن بىلمەي باسى قاتۋدا.

قىتايعا قايتسا، ول جاقتىڭ قازىر جۇرگىزىپ جاتقان اسا قيىن ساياساتىنىڭ سالقىنى ءتيىپ، تۇرمەگە قامالامىز با دەپ قورقادى.

سىزدەن بۇل ءىستىڭ ءادىل شەشىمىن تاۋىپ، اتالعان ازاماتتاردىڭ وتانىندا قالۋىنا جاردەم ەتۋىڭىزدى سۇرايمىز!

Abai.kz

4 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2314
ادەبيەت

«سولاي ەمەس پە؟»

عابباس قابىشۇلى 2668
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2829
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1757