Dýisenbi, 6 Jeltoqsan 2021
Qúiylsyn kóshing 5728 4 pikir 31 Qantar, 2018 saghat 09:22

Qazaq eline kóship kelgen qart Qasymovtan arasha súraydy

Qazaqstan Respublikasynyn

 Ishki ister ministri

Qalmúhanbet Qasymovqa!

Qúrmetti Qalmúhanbet Núrmúhanbetúly!

Qytay Halyq Respublikasynyng azamaty, últy qazaq - Sabyrghaly Soltanshәripúly (15.04.1956 jyly tughan) men júbayy Taraqan Saghatbekqyzy (15.09.1956 jyly tughan) 2016 jyldyng 27 sәuirinde Qazaqstan Respublikasyna kóship kelip, Aqmola oblysy Ereymentau audany Kýnshalghan auylyna túraqtaghan. Ol kezde vizalyq rúqsat uaqyty sol jyldyng 13 jeltoqsanyna deyin bolghan.

Kóship kele sala Aqmola oblysy Ereymentau audandyq kóshi-qon polisiyasyna túraqty tirkelu ýshin qújattaryn dayyndap barghan kezde «Qytaygha, Beyjinge baryp sottalmaghandarynyz turaly anyqtama әkelesizder» dep birneshe ret qaytaryp jibergen.

Qytay ýkimeti zanynda onday anyqtama beru turaly esh tarmaqta jazylmaghandyqtan, ózderining Qytay elinde tuyp-ósken audanyndaghy polisiya mekemesinen «búryn sottalmaghan» degen anyqtama әkelse, ony búl jaqtaghylar jaramsyz dep tapqan.

Eki ayaghy saldanyp, ózdiginen jýre almaytyn syrqatqa shaldyqqan otaghasynyng qazirgi auru jaghdayy kórgen adamnyng janyn auyrtady. Tirkelu problemasyna syrqat qosylghan búl otbasy auyr halden qalay shyghu jolyn tappay daghdaruda.

Sóitip eki ortada bir jarym jyldyng ýstinde sandalghan búl kisiler qazir tyghyryqqa tirelip otyr.

Eki ayaghynan jan ketip, saldanu auruyna shaldyqqan otaghasy Sabyrghaly Soltanshәripúly aqyry Ereymentau audandyq әkimshilik sotyna «QR-da qalu ýshin túraqty tirkeuge alugha, sol arqyly Qazaqstan Respublikasynyng azamaty atanu maqsaty bar ekenin» aityp, aryz jazady. Ol ótinishti qabyldaghan audandyq sot: «ÁQBT QRK 517 babynyng 4 bóligimen kinәli» dep tanyp, oghan on bes ailyq eseptik kórsetkish kóleminde 36075 tenge aiyppúl salu» jóninde sheshim shygharghan.

Búl qaulyny alghan olar aiyppúldy tólep, Aqmola oblysynyng ishki ister departementine túraqty tirkeuge qong turaly ótinishpen barghanda olar: «Qytaygha shyghyp ketu vizasyn ashyp beremiz. Sosyn, Qazaqstan Respublikasyna kez-kelgen vizamen aiyppúldy tólegen sәtten bastap 1 (bir) jyl ótkennen keyin keluiniz qajet» dep shygharyp salady.

Qazaqstanda túraqty qalu ýshin otbasymen kóship kelip alghan búl azamattar endi qayda bararyn, ne isterin bilmey basy qatuda.

Qytaygha qaytsa, ol jaqtyng qazir jýrgizip jatqan asa qiyn sayasatynyng salqyny tiyip, týrmege qamalamyz ba dep qorqady.

Sizden búl isting әdil sheshimin tauyp, atalghan azamattardyng Otanynda qaluyna jәrdem etuinizdi súraymyz!

Abai.kz

4 pikir