سەنبى, 11 شىلدە 2020
COVID-19 قازاقستاندا. جۇقتىرعاندار — 56455. جازىلعاندار — 32500. قايتىس بولعاندار — 264
1715 0 پىكىر 5 قازان, 2017 ساعات 09:09

اشحابادتا قوعامدىق كولىكتەردە ەندى تەك تولەم كارتالارىمەن جۇرەتىن بولادى

اشحابادتا قوعامدىق كولىككە جولاقىنى تولەۋ ءۇشىن ورناتىلعان قۇرىلعىلار جۇمىس ىستەمەي تۇر. بۇل جولاۋشىلارعا ءبىراز قيىندىق تۋعىزىپ جاتىر دەپ حابارلايدى ازاتتىقتىڭ تۇركىمەنستانداعى ءتىلشىسى.

تۇركىمەنستان استاناسىندا قوعامدىق كولىكتەردە 1 قىركۇيەكتەن باستاپ جولاقىنى تولەۋدىڭ جاڭا ەرەجەسى شىعادى دەگەن بولاتىن. بىراق پلاستيكالىق كارتانىڭ كومەگىمەن تولەيتىن قۇرىلعىلار تەك 1 قازاننان باستاپ جۇمىس ىستەي باستاعان.

الايدا 40 جاستاعى اشحاباد تۇرعىنى سونا قويىلعان اپپاراتتاردىڭ دۇرىس جۇمىس ىستەمەيتىنىن العا تارتادى. بۇل جولاۋشىلارعا قيىندىق تۋعىزىپ وتىر دەيدى.

"جۇرگىزۋشىدەن اۆتوبۋستاردا تولەم اپپاراتتارى نەگە جۇمىس ىستەمەيدى دەپ سۇراساڭ، سەبەبىن وزدەرى دە بىلمەيدى. بۇل قۇرىلعىلاردى ءالى دە جەتىلدىرۋ كەرەك”، - دەيدى 54 جاستاعى باقتىگۇل.

قوعامدىق كولىككە ارنالعان تولەم كارتالارى بانكتەردە جانە پوشتا قىزمەتىندە 5 ماناتتان ساتىلادى. كارتانىڭ ستۋدەنتتەرگە جانە زەينەتكەرلەرگە ارنالعان جەڭىلدەتىلگەن تۇرلەرى دە بار.

Abai.kz

0 پىكىر