نۇرسۇلتان نازارباەۆ قازاقستاندىقتاردى قاسيەتتى قۇربان ايت مەرەكەسىمەن قۇتتىقتادى.

"بارشاڭىزدى الەمدەگى كۇللى مۇسىلماندار ءۇشىن قاسيەتتى قۇربان ايت مەرەكەسىمەن شىن جۇرەكتەن قۇتتىقتايمىن! قۇربان ايت - ىزگىلىك پەن مەيىرباندىقتىڭ، جاقسىلىق پەن قايىرىمدىلىقتىڭ مەيرامى. وسىناۋ ايتۋلى كۇندەردە جۇرەگىنە يمان ۇيالاعان ءاربىر ادام جاقسى ىستەر جاساۋعا، كومەككە مۇقتاج جاندارعا قول ۇشىن سوزىپ، اينالاسىنا قۋانىش سىيلاۋعا تىرىسادى", - دەلىنگەن پرەزيدەنتتىڭ قۇتتىقتاۋىندا.

ء"بىزدىڭ ەلىمىزدە قۇربان ايت ءارتۇرلى ەتنوستار مەن ءدىن وكىلدەرى اراسىندا ءوزارا سىيلاستىقتىڭ، دوستىق پەن بىرلىكتىڭ بىرەگەي داستۇرلەرىن ساقتاۋعا جانە ونى نىعايتا تۇسۋگە ىقپال ەتەدى. قازاقستان حالقىنىڭ ۇلتتىق بىرەگەيلىگىن، يگى قۇندىلىقتارىن، سان عاسىرلىق مادەني جانە تاريحي مۇرالارىن ساقتاپ، ودان ءارى دامىتا تۇسۋگە سەپتىگىن تيگىزەدى", - دەدى پرەزيدەنت.

سونداي-اق، نازارباەۆ ءبىزدىڭ ەلىمىزدە وسىناۋ جارقىن مەيرامنىڭ العاشقى كۇنى ارنايى دەمالىس كۇنى رەتىندە جاريالانىپ، ادامداردىڭ قۇربان شالۋىنا، اللاعا جالبارىنىپ، ىزگى تىلەكتەر تىلەۋىنە بارلىق جاعدايدىڭ جاسالعانىن ايتىپ ءوتتى.

"بارشاڭىزدى بۇگىنگى قاسيەتتى مەيراممەن قۇتتىقتاي وتىرىپ، زور دەنساۋلىق، باقىت، تىنىشتىق، اماندىق پەن ءوسىپ-وركەندەۋ تىلەيمىن! ايت قابىل بولسىن!", - دەدى مەملەكەت باسشىسى.

Abai.kz