نۇرسۇلتان نازارباەۆ رەسمي ساپارمەن وزبەكستانعا بارادى
قازاقستان پرەزيدەنتى نۇرسۇلتان نازارباەۆ 25 تامىزدا "ەكسپو-2017" حالىقارالىق كورمەسىنىڭ وزبەك پاۆيلونىن ارالاپ ءجۇرىپ، جاقىندا وزبەكستانعا ساپارلاپ باراتىنىن ايتتى.
قازاقستان باسشىسى مەن قازاق دەلەگاتسياسىنىڭ وكىلدەرى وزبەكستاننىڭ بالاما قۋات كوزىن الۋداعى جەتىستىكتەرىمەن تانىستى.
نۇرسۇلتان نازارباەۆتى كۇن ساۋلەسىنەن قۋات الاتىن پانەلدەر ورناتىلعان ەلەكتروموبيل ۇلگىسى قىزىقتىردى. بۇعان قوسا ول كۇن ساۋلەسى مەن جەلدەن قۋات الاتىن ەكو-زاۋىت ماكەتىمەن تانىستى.
مەملەكەت باسشىسى كورمەگە قويىلعان زاتتاردىڭ بولاشاقتا اجەتكە جارايتىنىن ايتتى.
ساپار سوڭىندا نازارباەۆ ەكسكۋرسيا ءۇشىن العىسىن ءبىلدىرىپ، جاقىن كۇندەرى رەسمي ساپارمەن وزبەكستانعا باراتىنىن مالىمدەدى.
Abai.kz
