ء"بىز شەشۋشى ساتكە – كورمەنىڭ اشىلۋىنا تاياپ قالدىق. قازاقستاننىڭ استاناسىنا كەلەتىن قوناقتار سانى كوپ بولادى. بۇگىندە «ەكسپو-2017» كورمەسىنە 1,2 ميلليون بيلەت ساتىلعان ەكەن. بۇل – ءبىز كۇتكەندەگىدەن الدەقايدا كوپ", – دەدى مەملەكەت باسشىسى.

نۇرسۇلتان نازارباەۆ الەمدەگى جاعدايدىڭ تۇراقسىز ەكەنىن ەسكەرە وتىرىپ، كورمەنى وتكىزۋ كەزىندە قوناقتار مەن ەل ازاماتتارىنىڭ قاۋىپسىزدىگىن استانادا عانا ەمەس، بارلىق وڭىرىمىزدە دە جوعارى دەڭگەيدە قامتاماسىز ەتۋ ماڭىزدى ەكەنىن اتاپ وتكەن. بۇل ءۇشىن ءار باسشىعا جەكە جاۋاپكەرشىلىك جۇكتەگەن.

EXPO-2017 كورمەسى 10 ماۋسىمدا اشىلىپ، 9 قىركۇيەككە دەيىن سوزىلادى. وعان دەيىن استانادا شانحاي ىنتىماقتاستىق ۇيىمىنىڭ ءسامميتى وتەدى. "قازينفورمنىڭ" حابارلاۋىنشا، كورمەنىڭ اشىلۋ سالتاناتىنا وننان استام ەلدىڭ باسشىلارى قاتىسادى.

اباي-اقپارات