Jwma, 10 Säuir 2020
COVID-19 QAZAQSTANDA. Jwqtırğandar — 802. Jazılğandar — 60. Qaytıs bolğandar — 9
1914 15 pikir 7 Mausım, 2017 sağat 14:44

Nazarbaev EXPO kezinde qauipsizdiktiñ mañızdı ekenin ayttı

Qazaqstan prezidenti Nwrswltan Nazarbaev Astanada ötetin halıqaralıq EXPO-2017 körmesi qarsañında küş qwrılımdarınıñ basşılarımen kezdesti dep habarlaydı Aqorda.

"Biz şeşuşi sätke – körmeniñ aşıluına tayap qaldıq. Qazaqstannıñ astanasına keletin qonaqtar sanı köp boladı. Büginde «EKSPO-2017» körmesine 1,2 million bilet satılğan eken. Bwl – biz kütkendegiden äldeqayda köp", – dedi memleket basşısı.

Nwrswltan Nazarbaev älemdegi jağdaydıñ twraqsız ekenin eskere otırıp, körmeni ötkizu kezinde qonaqtar men el azamattarınıñ qauipsizdigin Astanada ğana emes, barlıq öñirimizde de joğarı deñgeyde qamtamasız etu mañızdı ekenin atap ötken. Bwl üşin är basşığa jeke jauapkerşilik jüktegen.

EXPO-2017 körmesi 10 mausımda aşılıp, 9 qırküyekke deyin sozıladı. Oğan deyin Astanada Şanhay ıntımaqtastıq wyımınıñ sammiti ötedi. "Qazinformnıñ" habarlauınşa, körmeniñ aşılu saltanatına onnan astam eldiñ basşıları qatısadı.

Abay-aqparat

15 pikir