جەكسەنبى, 12 شىلدە 2020
COVID-19 قازاقستاندا. جۇقتىرعاندار — 58253. جازىلعاندار — 33814. قايتىس بولعاندار — 264
«سوقىر» فەميدا 2556 4 پىكىر 22 مامىر, 2017 ساعات 18:19

تۇڭعىشباي جامانقۇلوۆتىڭ ءىسى. ءجارىسسوز باستالدى

بۇگىن الماتىنىڭ مەدەۋ اۋداندىق قىلمىستىق ىستەر سوتىندا كينو تۇسىرۋگە بولىنگەن مەملەكەت قارجىسىن جىمقىرۋ ءىسى بويىنشا ايىپتالعان تانىمال اكتەر ءارى پروديۋسەر تۇڭعىشباي جامانقۇلوۆتىڭ ءىسى بويىنشا سوتتا ءجارىسسوز باستالدى. ازاتتىق ءتىلشىسىنىڭ حابارلاۋىنشا، سوتتا ايىپتاۋشى پروكۋرور "فەنيكس" كوركەم ءفيلمىن تۇسىرۋگە مەملەكەتتەن بولىنگەن قارجىنى جىمقىردى" دەپ ايىپتالعان بىرنەشە ادامعا سۇرايتىن جازالارىن وقىدى.

پروكۋرور تۇڭعىشباي جامانقۇلوۆتى 7 جىل 6 ايعا سوتتاۋدى، بىراق قازاقستان تاۋەلسىزدىگىنىڭ 25 جىلدىعىنا وراي جاريالانعان راقىمشىلىق بويىنشا جازا مەرزىمىن 3 جىل 7 ايعا ازايتۋدى جانە جاسى جەتكەنىن ەسكەرىپ شارتتى جازا كەسۋدى سۇرادى. پروكۋرور فيلمگە رەجيسسەر بولعان تالعات جانىبەكوۆتى التى جىل شارتتى مەرزىمگە سوتتاۋدى سۇرادى.

"فەنيكس ىسىنە" بايلانىستى سوت پروتسەسى 2017 جىلعى ناۋرىزدىڭ 9-ى كۇنى باستالعان. قىلمىستىق ءىس بويىنشا توعىز ادامعا "مەملەكەتتەن كينو تۇسىرۋگە بولىنگەن قارجىنى جىمقىرعان" دەگەن ايىپ تاعىلعان.

پروكۋرور "قازاقفيلم" كومپانياسىنىڭ توپ-مەنەدجەرى گاۋھار ىسقاقوۆانىڭ ايىبىن "قازاقفيلم" قىزمەتكەرى رەتىندە ءفيلمنىڭ قارجىلىق ەسەبىن قابىلداپ العان، بىراق ودان اقشا الماعان" دەپ جەڭىلدەتىپ، شارتتى جازا كەسۋدى سۇرادى.

ءجارىسسوز كەزىندە ءسوز بەرىلگەن تۇڭعىشباي جامانقۇلوۆ قىلمىسىن مويىندامايتىنىن، "قارجى جىمقىرۋ قىلمىسىنىڭ باسىندا ءوزى تۇرماعانىن" ايتتى. ول سوتتان وزىنە قاتىستى ىستەن "قاساقانا ۇيىمداستىردى" دەگەن ءسوزدى الىپ تاستاۋىن سۇرادى.

بۇعان دەيىن ازاتتىق تىلشىسىمەن سويلەسكەن تۇڭعىشباي جامانقۇلوۆ ءوزىنىڭ "تەرگەۋ كەزىندە الدانىپ قالعانىن" ايتقان. ول كينوعا تەك يدەيالىق جاعىنان باسشىلىق جاساپ، مەملەكەت تاراپىنان بولىنۋىنە ارالاسقانىن، ال وعان بولىنگەن قارجىعا اتقارۋشى پروديۋسەر، بۋحگالتەر، قارجىگەرلەر جاۋاپ بەرۋى ءتيىس ەكەنىن ايتقان.

اسىلحان ماماشۇلى

ازاتتىق

4 پىكىر