Särsenbi, 8 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
«Soqır» Femida 2553 4 pikir 22 Mamır, 2017 sağat 18:19

Twñğışbay Jamanqwlovtıñ isi. Jarıssöz bastaldı

Bügin Almatınıñ Medeu audandıq qılmıstıq ister sotında kino tüsiruge bölingen memleket qarjısın jımqıru isi boyınşa ayıptalğan tanımal akter äri prodyuser Twñğışbay Jamanqwlovtıñ isi boyınşa sotta jarıssöz bastaldı. Azattıq tilşisiniñ habarlauınşa, sotta ayıptauşı prokuror "Feniks" körkem fil'min tüsiruge memleketten bölingen qarjını jımqırdı" dep ayıptalğan birneşe adamğa swraytın jazaların oqıdı.

Prokuror Twñğışbay Jamanqwlovtı 7 jıl 6 ayğa sottaudı, biraq Qazaqstan täuelsizdiginiñ 25 jıldığına oray jariyalanğan raqımşılıq boyınşa jaza merzimin 3 jıl 7 ayğa azaytudı jäne jası jetkenin eskerip şarttı jaza kesudi swradı. Prokuror fil'mge rejisser bolğan Talğat Jänibekovti altı jıl şarttı merzimge sottaudı swradı.

"Feniks isine" baylanıstı sot procesi 2017 jılğı naurızdıñ 9-ı küni bastalğan. Qılmıstıq is boyınşa toğız adamğa "memleketten kino tüsiruge bölingen qarjını jımqırğan" degen ayıp tağılğan.

Prokuror "Qazaqfil'm" kompaniyasınıñ top-menedjeri Gauhar Isqaqovanıñ ayıbın "Qazaqfil'm" qızmetkeri retinde fil'mniñ qarjılıq esebin qabıldap alğan, biraq odan aqşa almağan" dep jeñildetip, şarttı jaza kesudi swradı.

Jarıssöz kezinde söz berilgen Twñğışbay Jamanqwlov qılmısın moyındamaytının, "qarjı jımqıru qılmısınıñ basında özi twrmağanın" ayttı. Ol sottan özine qatıstı isten "qasaqana wyımdastırdı" degen sözdi alıp tastauın swradı.

Bwğan deyin Azattıq tilşisimen söylesken Twñğışbay Jamanqwlov öziniñ "tergeu kezinde aldanıp qalğanın" aytqan. Ol kinoğa tek ideyalıq jağınan basşılıq jasap, memleket tarapınan bölinuine aralasqanın, al oğan bölingen qarjığa atqaruşı prodyuser, buhgalter, qarjıgerler jauap berui tiis ekenin aytqan.

Asılhan Mamaşwlı

Azattıq

4 pikir