بۇگىندە الەمگە تانىمال تاۋەلسىز قازاقستان تاريحى تالاي عاسىرلارعا تابان تىرەيتىنى انىق. باستاۋىن سوناۋ مىڭجىلدىقتار قويناۋىنان، كوك تۇرىكتەر قاعاناتى مەن التىن وردادان الاتىن كەرەي-جانىبەك حاندار قۇرعان قازاق حاندىعىنىڭ 550 جىلدىعى مەملەكەتتىگىمىز جىلناماسىنداعى ماڭىزى زور مەرەي ەكەنى ايقىن.

بۇل ايتۋلى ايماڭداي داتانى ايرىقشا بيىك مەملەكەتتىك دەڭگەيدە جالپىۇلتتىق مەرەكەگە اينالدىرۋدى العاش قوزعاعان الاش پارتياسىنىڭ ءىزباسارى بولىپ تابىلاتىن “اق جول” پارتياسى قازاق حاندىعىنىڭ 550 جىلدىعىنا ارناپ، بۇكىل قازاققا ساۋىن ايتىپ، حالىقارالىق ءمۇشايرا جاريالايدى.

ءمۇشايرانىڭ ماقساتى - جاس ۇرپاقتى پاتريوتتىق-تاعىلىمدىق تاربيەگە باۋليتىن ەلباسىمىز ۇسىنعان “ماڭگىلىك ەل” ۇلتتىق يدەياسىنان تۋىندايتىن تاۋەلسىز قازاقستاننىڭ بۇگىنگى كەلبەتى مەن مەملەكەتتىگىمىزدىڭ نەگىزى بولىپ تابىلاتىن قازاق حاندىعىنىڭ قازىعىن قاققان كەمەڭگەر كەرەي مەن ءاز جانىبەك حانداردىڭ وبرازىن بەينەلەۋ; قازاق حاندىعىنىڭ باستاۋىندا تۇرعان التىن وردا تاريحىن تارازىلاۋ; قازاق تاريحىنداعى قالدىرعان ءىزى زور قايراتكەر تۇلعالاردىڭ، حان-سۇلتاندارىمىز بەن بي-باتىرلارىمىزدىڭ ەرەن ىستەرىن جىرلاۋ; رۋحاني ۇلتتىق مۇرامىز بەن ەلدىك-ەرلىك قۇندىلىقتارىمىزدى ۇلىقتاۋ.
مۇشايراعا بۇرىن جاريالانباعان كەمىندە 3 ولەڭ نەمەسە تولعاۋلار مەن داستاندار، پوەمالار قابىلدانادى.

باس جۇلدە بىرەۋ - 1000 000 تەڭگە.

ءبىرىنشى ورىن بىرەۋ-700 000 تەڭگە.

ەكىنشى ورىن ەكەۋ- 500 000 تەڭگەدەن

ءۇشىنشى ورىن ۇشەۋ – 300 000 تەڭگەدەن.

ارناۋلى سىيلىقتار بەسەۋ- 200 000 تەڭگەدەن.

شىعارمالار 2015 جىلدىڭ 1 قازانىنا دەيىن قابىلدانادى.

اۆتورلار ا4 ءپىشىمدى 1-ءشى كونۆەرتكە بۇركەنشىك اتىمەن جازىلعان شىعارماسىنىڭ كومپيۋتەرگە باسىلعان بەس داناسىن جانە ەلەكتروندى نۇسقاسىن جولدايدى. 2-ءشى كىشى ءپىشىمدى كونۆەرتكە اۆتوردىڭ شىن اتى-ءجونى، 6ح9 فوتوسۋرەتى، مەكەنجايى، تەلەفوندارى، ەل.پوشتاسى جازىلىپ، اۋزى بەكىتىلىپ، ول 1-ءشى كونۆەرتكە سالىنادى.

قابىلداۋ ورنى: استانا قالاسى، سارايشىق ك-ءسى 11, 5-وفيس. “اق جول” پارتياسىنىڭ ورتالىق كەڭسەسى، 8-7172-602-682, akzholpress@mail.ru

الماتى قالاسى، قالقامان ىقشاماۋدانى-3, ك.سەيىتوۆ ك-ءسى 11, “قازاق ءۇنى” گازەتى رەداكتسياسى، تەل 8-727-398-57-31, qazaquni@mail.ru.

ءمۇشايرا جۇلدەگەرلەرى مەن ىرىكتەلگەن جىرلار “تۇران” باسپاسىنان جەكە كىتاپ بولىپ شىعادى.

ەسكەرتۋ:جۇلدەگەرلەر استانا قالاسىنا كەلىپ-كەتۋ جول قارجىسى مەن جاتار ورنى شىعىنىن وزدەرى كوتەرەدى. قازىلار القاسىنىڭ شەشىمى قايتا قاراۋعا جاتپايدى.

اباي-اقپارات.