«قازپوشتا» قق-نىڭ باسقاراما توراعاسى باعدات مۋسين (سۋرەتتە) دەيتىن ازامات بۇگىن استانادا وتكەن بريفينگتە ءوزىنىڭ ارتىق اقشا الىپ جۇرگەنىن ايتىپ اعىنان جارىلدى.

«ەندى جالاقىما بايلانىستى ايىرىمدى ايتايىن. ءيا، ول وتە كوپ. ماعان ەڭبەكاقىنى ديرەكتورلار كەڭەسى تاعايىندايدى. ءبىز ولارعا ايلىعىمىزدىڭ كولەمىن قىسقارتىڭىزدار دەگەن ۇسىنىسپەن شىقتىق. ولار بىزگە مۇنداي جاعدايدا بيۋدجەتتەن 0,01%  كولەمىندە قارجى ۇنەمدەۋگە بولاتىندىعىن ەسەپتەپ بەردى. ۇنەمدەلگەن قارجىمەن «قازپوشتا» قىزمەتكەرلەرىنىڭ الەۋەتىن كوتەرۋگە بولاتىن ەدى، بىراق، ودان پايدا شامالى كورىنەدى. ديرەكتورلار كەڭەسى ماعان: ءسىزدىڭ مىندەتىڭىز جاڭا قارجى كوزدەرىن تابۋ. سىزگە كولەمدى جالاقىنىڭ تاعايىندالۋ سەبەبى – تالاپ كۇشتى. سىزگە قويىلاتىن تالاپ جوعارى دەدى».

باعدات مۋسين مىرزانىڭ سوزىنە قاراعاندا، «قازپوشتادا» 22 مىڭ ادام جۇمىس ىستەيدى ەكەن. سونىڭ 50 پايىزى اۋىلدى جەرلەردە ءجۇر.

ء«بىز تاپقان تابىسىمىزدىڭ 95 پايىزىن قىزمەتكەرلەردىڭ ەڭبەكاقىسىنا تولەيمىز»، - دەپ قوسىپ قويدى ءسوز اراسىندا باسقارما باستىعى.

ەستەرىڭىزگە سالا كەتەيىك، «قازپوشتا» قق-نىڭ باسقاراما توراعاسى باعدات ءمۋسيننىڭ كەسىمدى جالاقىسى 1,5 ميلليون تەڭگە. سالىققا كەتكەن شىعىندارىن الىپ تاستاعاندا ول قولىنا اي سايىن 1,2 ميلليون تەڭگە الىپ وتىرادى. ءبىر جىلدا 14,4 ميلليون تابىس تابادى. ال، ەندى ەسەپتەپ كورىڭىز، ءسىز باعدات بالاقايدىڭ ءبىر جىلداعى تابىسى بىلاي تۇرسىن، ءبىر ايلىعىنا قانشا ۋاقىتىڭىزدى سارپ ەتەدى ەكەنسىز...

Abai.kz