الماتى. 27 قىرقۇيەك. قازتاگ – «قازاتومونەركاسىپ» كومپانياسىنىڭ بۇرىنعى باسشىسى مۇحتار جاكىشەۆتىڭ جۇبايى ءجاميلا جاكىشەۆا كۇيەۋىنە قارسى ەىكنشى قىلمىستىق ءىس ونىڭ «كوزىن قۇرتۋ ءۇشىن» قوزعالعانىن جوققا شىعارمايدى.

«دەنساۋلىعىنا بايلانىستى مۇحتاردىڭ وزىنە بەرىلگەن 14 جىلعا شىداۋى ەكىتالاي. الايدا جوعارى جاقتاعىلار ودان قۇتىلعىسى كەلىپ، بۇل مەرزىمگە تاعى قوسىپ بەرۋ كەرەك دەپ ويلايتىن شىعار...ەندى جاكىشەۆتىڭ كوزىن قۇرتۋ ءۇشىن ەكىنشى ءىس «جاپسىرىپ جاتىر»»، - دەدى ج. جاكىشەۆا دۇيسەنبى كۇنى «ازاتتىق» راديوسىنداعى ونلاين-كونفەرەنتسيا بارىسىندا وقىرمانداردىڭ سۇراقتارىنا جاۋاپ بەرۋ بارىسىندا.

ونىڭ ايتۋىنشا، ۇقك قازىرگى ۋاقىتتا «بۇرىن دالەلدەي الماعان كەن ورىندارىن جىمقىرۋعا قاتىستى وقيعالاردى تەرگەپ جاتىر.

«بۇل ءىس بويىنشا تەرگەۋ ەكىنشى جىلعا جالعاسىپ وتىر، مۇنىڭ نەمەن بىتەتىنى جانە نە ءۇشىن قاجەت ەكەنى تۇسىنىكسىز»، - دەدى ج. جاكىشەۆا.

بۇرىن حابارلانعانداي، «قازاتومونەركاسىپ» ۇاك ەكس-پرەزيدەنتى م. جاكىشەۆكە جانە باسقا دا لاۋازىمدى تۇلعالارعا قاتىستى ەكىنشى قىلمىستىق ءىستى تەرگەۋ اياقتالىپ كەلەدى. ول «قۇپيا» بەلگىسىمەن تەرگەلىپ جاتىر.

وعان 177ب. 3ب.، «ا،ب،ۆ»ك.ت.، 176, ب.3ب.، «ا،ب،گ»ك.ت.بويىنشا ايىپ تاعىلىپ وتىر. ءبىرىنشى باپ مەملەكەتتىك قىزمەت اتقارۋعا وكىلەتتى تۇلعانىڭ قىلمىستىق توپتىڭ قۇرامىندا اسا ءىرى كولەمدە الاياقتىق جاساۋدى قاراستىرادى. بۇل باپ بويىنشا مۇلكىن تاركىلەۋمەن 5-10 جىلعا دەيىن باس بوستاندىعىنان ايىرۋ قاراستىرىلعان.

سونداي-اق، م. جاكىشەۆكە قىلمىستىق كودەكستىڭ 176بابى (بىرەۋدىڭ سەنىپ تاپسىرعان مۇلكىن يەمدەنۋ نەمەسە تالان-تاراجعا سالۋ) بويىنشا ايىپ تاعىلعان.

12 ناۋرىزدا استانانىڭ №2 سارىارقا اۋداندىق سوتى م. جاكىشەۆتى بىرەۋدىڭ سەنىپ تاپسىرعان مۇلكىن يەمدەنگەنى (نەمەسە تالان-تاراجعا سالعانى) (قر قك 176 بابى) جانە پارا العانى (311 باپ)  ءۇشىن ايىپتى دەپ تانىپ، جازاسىن قاتاڭ تارتىپتەگى كولونيادا وتەۋمەن 14 جىلعا باس بوستاندىعىنان ايىرعان بولاتىن.