جەكسەنبى, 7 ناۋرىز 2021
كۇبىرتكە 3940 0 پىكىر 26 جەلتوقسان, 2016 ساعات 10:03

ەكسترەميستىك توپتاردىڭ 33 بەلسەندىسى ۇستالدى

قازاقستاننىڭ ۇلتتىق قاۋىپسىزدىك كوميتەتىنىڭ حابارلاۋىنشا، ارنايى قىزمەت پەن پوليتسيا "ات-تاكفير ۋال-حيدجرا" ءدىني ەكسترەميستىك ۇيىمىنىڭ ەلدەگى وشاقتارىن انىقتاۋ ماقساتىندا 21 جەلتوقساندا باستاعان وپەراتسياسىن اياقتادى.

ءدىني ارازدىق تۋعىزدى جانە تىيىم سالىنعان ۇيىمعا مۇشە بولدى دەگەن كۇدىكپەن بارلىعى 33 ادام ۇستالدى. سولاردىڭ جەتەۋى "ات-تاكفير ۋال-حيدجرا" ۇيىمىنىڭ جەرگىلىكتى وشاقتارىنا "جەتەكشىلىك ەتتى جانە بەلسەندى مۇشەلەرى" بولدى دەگەن كۇدىكپەن قاماۋعا الىندى، بىرەۋى ەشقايدا كەتپەۋ تۋرالى قولحات تاپسىردى.

سەگىز كۇدىكتىگە شاقىرعان ۋاقىتتا مىندەتتى تۇردە كەلۋ جونىندە شارا قولداندى. "ۇيىمنىڭ قاتارداعى 17 مۇشەسى" كۋاگەر رەتىندە تارتىلدى، دەلىنگەن ۇقك حابارلاماسىندا.

كوميتەت مالىمەتى بويىنشا، "ات-تاكفير ۋال-حيدجرا" جاقتاستارى تۇرىپ جاتقان مەكەندەردى ءتىنتۋ كەزىندە ءدىني ماتەريالدار، ديسكىلەر، كومپيۋتەرلىك تەحنيكا جانە ءىرى كولەمدەگى اقشا تاركىلەندى. تەرگەۋ جالعاسىپ جاتىر، دەپ حابارلادى ۇقك ءباسپاسوز قىزمەتى.

Abai.kz

 

0 پىكىر