جەكسەنبى, 26 ماۋسىم 2022
قاربالاس 2314 0 پىكىر 12 قاڭتار, 2017 ساعات 12:21

ۋاقىتشا تىركەۋگە تۇرماق بولعان قاريا كوز جۇمدى

ۋاقىتشا تىركەلۋ ءۇشىن كەزەكتە تۇرعان اقساقال جان تاپسىرعان. الماتى وبلىسىنداعى ىلە اۋداندىق حالىققا قىزمەت كورسەتۋ ورتالىعىنا قۇجات راسىمدەۋگە كەلگەن تۇرعىن وقىستان قايتىس بولدى، - دەپ حابارلايدى كتك ارناسى.

60 جاستاعى ازاماتتىڭ ۇزىن-سونار كەزەكتە تۇرعان ساتتە جۇرەگى سىر بەرىپتى. الايدا دەرەۋ جەدەل جاردەم شاقىرتىلعانىمەن، مارقۇمدى اجال اۋزىنان اراشالاپ قالۋ مۇمكىن بولماعان.

اياعى جوق 3-ءشى توپتاعى مۇگەدەك قۇجات راسىمدەۋ ءۇشىن بورالداي كەنتىنەن ۇلىمەن بىرگە كەلگەن ەكەن. ال وقيعا كۋاگەرلەرى ورتالىقتا قۇجىناعان حالىقتىڭ قاراسى كوپ ەكەنىن ايتۋدا. ياعني تىركەۋگە تۇرامىز دەپ كەلگەندەرگە بار جوعى ەكى-اق مامان قىزمەت كورسەتىپ ۇلگەرە الماي جاتىر دەيدى. سونىڭ سالدارىنان، جۇرت ساعاتتاپ كەزەك كۇتۋگە ءماجبۇر بولعان. ال حالىققا قىزمەت كورسەتۋ ورتالىعىنىڭ ماماندارى مارقۇمنىڭ قانداي جۇمىسپەن كەلگەنىن دە بىلمەيمىز دەيدى.

اباي-اقپارات

0 پىكىر