2017 جىلعى 25 قاڭتاردا استانادا 28-ءشى دۇنيەجۇزىلىك قىسقى ۋنيۆەرسيادا-2017 الاۋىنىڭ ەستافەتاسى وتەدى.

الاۋ ەستافەتاسى استانا ۋاقىتىمەن ساعات 11:00-دە نازارباەۆ ۋنيۆەرسيتەتىنەن باستالىپ، قالا اكىمدىگىنىڭ ماڭىنداعى الاڭدا اياقتالادى.

ونى بەلسەندى ستۋدەنتتەر مەن استانالىق سپورتشىلار، بارلىعى 60 ادام الىپ وتەدى دەپ جوسپارلانعان. سونىڭ ىشىندە ەسىمدەرى ەلگە ايان ۆاسيلي لەۆيت، ماديار يبرايىمبەكوۆ، ءمولدىر مەكەنباەۆا سياقتى سپورتشىلار بار.

ەستافەتا الىپ ءجۇرۋ  2 كەزەڭنەن تۇرادى. ول قابانباي باتىر داڭعىلى، دوستىق ك-ءسى، قوناەۆ ك-ءسى، باراەۆ ك-ءسى، رەسپۋبليكا داڭعىلى، كەنەسارى ك-ءسى سىندى قالانىڭ ورتالىق كوشەلەرىمەن وتەدى. الاۋ ەستافەتاسىنىڭ جالپى ۇزىندىعى - 12 شاقىرىمدى قۇرايدى.

ءبىرىنشى كەزەڭ اياقتالىسىمەن «بايتەرەك» مونۋمەنتىنىڭ الدىندا تۇرعىندار مەن قالا قوناقتارىنا ارنالعان كونتسەرتتىك باعدارلاما قويىلادى.

ەكىنشى كەزەڭدە الاۋ رەسپۋبليكالىق شتاب وكىلدەرىنە تابىستالىپ، 2017 جىلعى 28-ءشى دۇنيەجۇزىلىك ۋنيۆەرسيادانىڭ اشىلۋ سالتاناتىنا قاتىسۋ ءۇشىن استانا-الماتى اۋە رەيسىمەن وڭتۇستىك استاناعا جونەلتىلەدى.

Abai.kz