الەۋمەتتىك جەلىدە قىزدارعا شەتەلدە ءينتيمدى قاتىناس قىزمەتى ۇسىنىلۋدا. رەداكتسياعا 21 جاستاعى نۇرگۇل ەسىمدى بويجەتكەن حابارلاسىپ، Linda Tod جۇمباق اتاۋمەن جەلى قولدانۋشىسىنىڭ وسىنداي ۇسىنىس جاساعانىن ايتتى. بۇل تۋرالى tvk ارناسى حابارلايدى.

«ماعان جۇمىستىڭ ءينتيمدى قىزمەت ەكەنىن ايتتى. تۇركياعا نە دۋبايعا بارۋعا ۇسىنىس جاسالدى. تۇنگى كلۋبتا جىگىتتەرمەن تانىسىپ، ولاردى قوناقۇيگە تارتۋ كەرەك ەكەن. كەيىن ءينتيمدى قاتىناس قىزمەتىن 50/50 ەتىپ بولەدى. بۇل ادام «Top Face Kazakhstan»، «Top Face Ukraine» جانە وزگە دە توپتارعا تىركەلگەن. قيىندىقتا قالعان كوپ قىزدار وسىنداي جەڭىل جولدارعا كەلىسىپ جاتادى. سوندىقتان قىزدارعا مۇنداي جولعا تۇسپەۋىن ەسكەرتكىم كەلەدى. قۇقىق قورعاۋ ورگاندارى وسىنداي توپتاردى بۇعاتتاسا ەكەن»، – دەيدى شىمكەنت تۇرعىنى نۇرگۇل.

بەلگىسىز جۇمىس بەرۋشى قىزمەت جالاقىسى جوعارى ەكەنىن ايتقان. وزىمەن What’s app پەن Viber ارقىلى سويلەسۋدى ۇسىنىپتى. ونىڭ پاراقشاسىنا قازاقستان، ۋكراينا، رەسەي ەلىنەن 10 شاقتى قىز تىركەلگەن. ول جەلىگە تىركەلگەن كەز كەلگەن قىزعا وسىلاي ۇسىنىس جاساي الاتىنعا ۇقسايدى.

سايتقا ازىرلەگەن نۇرسۇلۋ نايمانوۆا

Abai.kz