سارسەنبى, 15 مامىر 2024
مايەكتى 6560 0 پىكىر 9 ناۋرىز, 2017 ساعات 12:47

ABAI.KZ كوتەرگەن ماسەلەگە حامەنوۆا ءمان بەردى

بۇگىن «نۇر وتان» پارتياسىنىڭ رەسپۋبليكالىق قوعامدىق قابىلداۋ بولمەسىنە قر پارلامەنتى ءماجىلىسىنىڭ دەپۋتاتى باقىتگۇل قايىرجانقىزى حامەنوۆا كەلىپ، ازاماتتاردى قابىلدادى، - دەپ حابارلايدى اباي-اقپارات.

كەشە عانا Abai.kz اقپاراتتىق پورتالى 59,900 اقش دوللارى اقشاسىن شقو زايسان اۋدانىنا قاراستى «مايقاپشاعاي» كەدەندىك بەكەتى تاركىلەپ العان جەسىر ايەل گۇلجان ماۋىتحانقىزىنىڭ جانايقايىن جازعان ەدى. وسىدان كەيىن مەرەكەلىك كوڭىل-كۇيگە قاراماستان اتالعان ماسەلە كۇننىڭ باس تاقىرىبىنا اينالدى. 

بۇگىن مىنە، سول قانداسىمىزدى دەپۋتات باقىتگۇل قايىرجانقىزى ارنايى قابىلدادى.

گۇلجان ماۋىتحانقىزىنىڭ قابىلداۋىنا كەلەتىنىن ەستىگەن دەپۋتات باقىتگۇل قايىرجانقىزى گۇل مەن بالكۇلشەسىن الا كەلىپتى.

ايدىڭ-كۇننىڭ امانىندا ادال اقشاسىنان ايىرىلعان انانىڭ ءۋاجىن تىڭداعان دەپۋتات حانىم، قولىنان كەلگەنشە، زاڭ اياسىندا كومەكتەسەتىنىن، كەرەك بولسا، قارجى جاعىنان دا قول ۇشىن بەرىتىنىن ايتىپ، جارىم كوڭىل گۇلجان ماۋىتحانقىزىن 8 ناۋرىز مەرەكەسىمەن قۇتتىقتادى. 

ءبىر ايدان بەرى جەگەنى جەلىم، ىشكەنى ءىرىڭ بولىپ جۇرگەن قانداسىمىز كوزىنە جاس الىپ، دەپۋتات ءسىڭىلىسىنىڭ بەتىنەن ءسۇيدى، كوز جاسىنا ەرىك بەردى...

ەندىگى ءۇمىت - حامەنوۆا حانىمدا! دەپۋتات وسى ءىستى بىرجاقتى ەتىپ، ءوزىنىڭ ادامگەرشىلىگىن، حالىقشىلدىعىن كورسەتسە دەگەن ويدامىز! 

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2045
ادەبيەت

«سولاي ەمەس پە؟»

عابباس قابىشۇلى 2476
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2057
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1595