استانادا "قازاق ارۋى" سۇلۋلىق بايقاۋىنىڭ فينالى ءوتتى. باتىس قازاقستان وبلىسىنىڭ اتىنان شىققان نۇرگۇل اسانوۆا جەڭىمپاز اتاندى، - دەپ حابارلايدى Tengrinews.ءkz تىلشىسى.

ءبىرىنشى ورىندى قىزىلوردالىق زۋحرا سايپي السا، ەكىنشى ورىنعا اقتوبە وبلىسىنان گۇلجانات جۇماجانوۆا لايىق دەپ تانىلدى. ال ءۇشىنشى ورىن قاراعاندى وبلىسىنىڭ نامىسىن قورعاعان ايگەرىم ورىنبەكوۆادا.  

كونكۋرسقا قازاقستان قالالارىنان 16 ارۋ قاتىستى. بيىل كاستينگكە 16-22 جاس ارالىعىندا 600-دەن اسا قىز قاتىسقان. "قازاق ارۋى" بايقاۋى قازاقستاندا التى جىلدان بەرى ءوتىپ كەلەدى. بايقاۋ جىل سايىن ناۋرىزدا وتەدى. جوباعا قاتىسۋشىلار قازاق ءتىلىن جەتىك ءبىلۋى ءتيىس، قازاق حالقىنىڭ ادەبيەتى، تاريحى جانە سالت-ءداستۇرى سالالارىندا ءبىلىمى بولۋى كەرەك. بۇل سۇلۋلىق بايقاۋى بولعاندىقتان، بارلىق قاتىسۋشى زياتكەرلىك جاعىنان عانا ەمەس، شاشى ۇزىن ءارى سۇلۋ بولۋى كەرەك.

ءار جىلدارى بۇل كونكۋرستا گۇلناز جولانوۆا، كامشات قوسكەلوۆا، ايگەرىم قاناتباەۆا، ايعانىم وتەپبەرگەنوۆالار جەڭىمپاز اتانعان.

قازىلار القاسىنىڭ قۇرامىندا جوبانىڭ پروديۋسەرى ءارى يدەيا اۆتورى بايان ەسەنتاەۆا، تەلەجۋرناليست ايگۇل مۇكەي، ديزاينەر ايدا كاۋمەنوۆا، تەلەجۇرگىزۋشى دينارا ءساتجان، اقىن قالقامان سارين، ءانشى بۇركىت، استانانىڭ مادەنيەت باسقارماسىنىڭ باسشىسى بولات ماجاعۇلوۆ، "قازاق ارۋى-2016" گران-پري يەگەرى الميرا احاتوۆا، استانا تسيركىنىڭ ديرەكتورى ەرىك جولجاقسىنوۆ بار. ال القا ءتورايىمى قر پارلامەنت سەناتىنىڭ دەپۋتاتى بىرعانىم ءايتىموۆا.

Abai.kz