قر مادەنيەت جانە سپورت مينيسترلىگىنىڭ باستاماسىمەن ىلەسپە اۋدارمادان شەبەرلىك ساباقتارى وتۋدە، - دەپ حابارلايدى اباي-اقپارات مينيسترلىكتىڭ ءباسپاسوز قىزمەتىنە سىلتەمە جاساپ.

قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسى بويىنشا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى اياسىندا مەملەكەتتىك ءتىلدىڭ قولدانىس دەڭگەيىن كەڭەيتۋ، ىلەسپە اۋدارماشىلاردىڭ بىلىكتىلىگىن ارتتىرۋ ماقساتىندا قازاقشا-ورىسشا، ورىسشا-قازاقشا ىلەسپە اۋدارما جۇرگىزۋدى ۇيرەتۋدىڭ شەبەرلىك كلاستارىن وتكىزىپ جاتىر.

اتالعان شەبەرلىك كلاستارى مەملەكەتتىك ءتىلدىڭ قولدانىس اياسىن كەڭەيتۋ ماقساتىندا قازاقشادان ورىسشاعا جانە ورىسشادان قازاقشاعا ىلەسپە اۋدارما جاسايتىن اۋدارماشىلاردىڭ بىلىكتىلىگىن ارتتىرۋدى كوزدەيدى.

شەبەرلىك كلاستارىندا اۋدارما تەورياسى، جازباشا اۋدارما مەن اۋىزشا اۋدارمانىڭ ەرەكشەلىكتەرى، ىلەسپە اۋدارماشىعا قاجەتتى بازالىق گرامماتيكالىق جانە فرازەولوگيالىق ۇلگىلەرى، سوزدىك قوردى بايىتۋ جۇمىستارى بويىنشا دارىستەر وقىلادى. سونىمەن قاتار اۋدارماشى ماماندارعا اۋدارما تەورياسى مەن پراكتيكاسى، اۋدارماتانۋدىڭ وزەكتى ماسەلەلەرى شەڭبەرىندە وقۋ-ادىستەمەلىك كومەك كورسەتىلىپ، اۋدارما سالاسىنداعى عالىم  ماماندار وزىق تاجىريبەسىمەن بولىسۋدە.

تىلدەردى دامىتۋ جانە قوعامدىق-ساياسي جۇمىس كوميتەتىنىڭ ءتىل ساياساتىن تالداۋ جانە مونيتورينگ باسقارماسىنىڭ باسشىسى تولقىن جولدىبايقىزى العى ءسوز الىپ، بۇگىنگى كۇننىڭ تالابىنا سايكەس ىلەسپە اۋدارماشىلاردىڭ بىلىكتىلىگىن ارتتىرۋدى ماقسات ەتكەن شەبەرلىك كلاستارىنىڭ ماقسات، مىندەتىمەن تانىستىرىپ ءوتتى. شەبەرلىك كلاستارىن بەلگىلى اۋدارماشى، فيلولوگيا عىلىمدارىنىڭ كانديداتى كامال الپەيىسوۆا جۇرگىزۋدە.

شەبەرلىك ساباقتارىنا ورتالىق جانە جەرگىلىكتى اتقارۋشى ورگاندارى مەن ۇلتتىق كومپانيالاردان 12 اۋدارماشى قاتىسۋدا. 

Abai.kz