قۇرمەتتى وتانداستار!

جەتەكشى ساياسي پارتيالاردىڭ، قازاق­ستان حالقى اسسامبلەياسىنىڭ، قوعام­دىق بىرلەستىكتەردىڭ، ۇكىمەتتىك ەمەس ۇيىم­داردىڭ، عىلىمي جانە شىعارماشىلىق ينتەلليگەنتسيانىڭ، ارداگەرلەر مەن اگرار­­لىق سالا ماماندارىنىڭ، ءىرى كاسىپ­ورىن­داردىڭ، كاسىپوداقتاردىڭ، ەڭبەك ۇجىم­دارى مەن جاستار قوزعالىس­تارىنىڭ با­سىن قوسقان، بارلىق الەۋمەتتىك توپ­تاردىڭ، بارلىق ءوڭىردىڭ مۇددەسىن كوز­­دە­گەن دەموكراتيالىق كۇشتەردىڭ «قازاق­ستان-2050» جالپىۇلتتىق كواليتسياسى ەلى­مىزدىڭ ازاماتتارىنا ۇندەۋ جولدايدى.

— «قازاقستان-2050» دامۋ ستراتەگيا­سىندا مەملەكەت باسشىسى بەلگىلەگەن رەس­پۋبليكانى قوعامدىق-ساياسي جانە الەۋ­مەتتىك-ەكونوميكالىق جاڭعىرتۋ باعدارىن، سونداي-اق، بەس ينستيتۋتتىق رەفورمانى جۇزەگە اسىرۋ جونىندەگى «100 ناقتى قادام» ۇلت جوسپارىن جانە اسا اۋقىمدى «نۇرلى جول» باعدارلاماسىن تولىعىمەن قولداي وتىرىپ;

— مەملەكەت باسشىسىنىڭ جەر كو­دەكسىنىڭ جەكەلەگەن نورمالارىنا موراتوري ەنگىزۋ تۋرالى شەشىمىن قولداي وتىرىپ;

— الەمدىك قوعامداستىقتىڭ بەدەلدى ءارى جاۋاپتى وكىلى رەتىندە قازاقستان بەتپە-بەت كەلىپ وتىرعان جاڭا جاھاندىق ساياسي-ەكونوميكالىق احۋال مەن ۋاقىتتىڭ سىناقتارىن ەسكەرە وتىرىپ;

— قازاقستاننىڭ استاناسىندا وتەتىن ەۋرازيالىق ەكونوميكالىق وداققا مۇشە مەملەكەتتەر باسشىلارىنىڭ ءسامميتى مەن استانا ەكونوميكالىق فورۋمىنىڭ كۇن تارتىبىندەگى باسىم­دىقتاردى قۋاتتاي كەلە;

— مەملەكەت باسشىسىنىڭ يادرولىق قارۋسىز بولاشاق قۇرۋ، جاھاندىق, ونىڭ ىشىندە ەاەو شەڭبەرىندەگى قاۋىپسىزدىك، حالىقارالىق ىنتىماقتاستىق جانە ەكونوميكالىق ينتەگراتسيا جۇيەسىن كۇشەيتۋگە باعىتتالعان سىرتقى ساياساتى­نىڭ باستى باعىتتارىنىڭ ايرىقشا ماڭىزدىلىعىن سەزىنىپ;

— تاۋەلسىزدىكتىڭ بارلىق جەتىستىكتەرىنىڭ ىرگەتاسى سانالاتىن الەۋمەتتىك-ەكونو­ميكالىق تۇراقتىلىقتى، قازاقستاننىڭ كوپۇلتتى حالقىنىڭ قوعامدىق كەلىسىمى مەن بىرلىگىن قامتاماسىز ەتۋدى اسا ماڭىزدى قاجەتتىلىك رەتىندە قابىلداپ;

— پرەزيدەنتتىڭ تاپسىرماسىمەن قۇ­­رىل­عان جەر رەفورماسى بويىن­شا كوميس­سيا جۇمىسىنىڭ العاشقى ناتيجەلەرىن جوعا­رى باعالاي كەلە;

ءبىز – رەسپۋبليكاداعى ازاماتتىق قوعام وكىلدەرى قازاقستاندىقتاردى جەر رەفورماسى بويىنشا كوميسسيانىڭ جانە ايماقتىق قوعامدىق كەڭەستەر­دىڭ جۇمىسىنا بەلسەنە اتسالىسۋعا شاقىرامىز.

ءبىز ءۇشىن جانە بارشا ازاماتتار ءۇشىن جەر تەك ماتەريالدىق يگىلىك قانا ەمەس، قازاقستان حالقىنىڭ بىرلىگىن بەكەمدەپ، جۇدىرىقتاي جۇمىلدىرعان تاۋەلسىزدىك ۇعىمىمەن بىردەي اسا قاستەرلى قۇندىلىق.

دەموكراتيالىق كۇشتەردىڭ «قازاق­ستان-2050» جالپىۇلتتىق كواليتسياسى اگروونەركاسىپتىك سەكتوردى قارقىندى دامىتۋدىڭ ماڭىزدى تەتىگى رەتىندە جەر رەفورماسى قاجەت دەپ سانايدى.

مەملەكەت باسشىسىنىڭ جەر ماسە­لەسىنە قاتىستى قورىتىندى شەشىمدى قابىلداۋداعى سالماقتى ۇستانىمىن ەسەپكە الا وتىرىپ، تۋعان جەرىنىڭ بولاشاعى ءۇشىن الاڭدايتىن قازاقستاندىقتار وسى ماسەلە جونىندەگى اشىق ءارى سىندارلى سۇحباتقا ءۇن قوسۋى قاجەت دەپ سانايمىز.

قۋاتتى، ءبىرتۇتاس، گۇلدەنگەن ءارى تاۋەل­سىز قازاقستاندا ءومىر سۇرگىمىز كەلسە، ءبىزدىڭ باستى مىندەتىمىز – ەلدەگى بەيبىتشىلىك پەن كەلىسىمدى ساقتاۋ بولۋعا ءتيىس.

ەلباسى ۇندەۋىن قولداي وتىرىپ، دەموكراتيالىق كۇشتەردىڭ «قازاق­ستان-2050» جالپىۇلتتىق كواليتسياسى جەر رەفورماسىن جەتىلدىرۋگە بار كۇشىن سالادى.

ءبىز ءاربىر ازاماتتىڭ وسى ماسەلەگە قاتىستى پىكىرى ەسكەرىلىپ، جان-جاقتى قارالاتىنىنا كەپىلدىك بەرەمىز.

قازاقستاندىقتاردىڭ اتالعان ماسەلەگە قاتىستى دەموكراتيالىق كۇشتەردىڭ «قا­زاقستان-2050» جالپىۇلتتىق كواليتسيا­سىنا جولداعان بارلىق ۇسىنىستارى مەن تىلەكتەرى جان-جاقتى زەردەلەنىپ، جەر رەفورماسى جونىندەگى كوميسسيانىڭ قاراۋىنا ۇسىنىلادى.

 «نۇر وتان» پارتياسى، قازاقستان­نىڭ «اق جول» دەموكراتيالىق پار­تياسى، قازاقستاننىڭ كوممۋنيستىك حا­لىق پارتياسى، قازاقستاننىڭ «اۋىل» حالىقتىق-دەموكراتيالىق پاتريوت­تىق پارتياسى، «بىرلىك» پارتياسى، قا­زاقستان حالقى اسسامبلەياسى، «اتا­مەكەن» ۇلتتىق كاسىپكەرلەر پالاتاسى، «قازاقستاننىڭ ازاماتتىق اليان­سى» زاڭدى تۇلعالار بىرلەستىگى، قازاق­ستاننىڭ كاسىپوداقتار فەدەراتسياسى، قازاق­ستان رەسپۋبليكاسى ارداگەرلەر ۇيىمى، «بولاشاق» قاۋىمداستىعى، قازاق­ستاننىڭ كاسىپكەرلەر فورۋمى، مۇگە­دەكتەردىڭ «دوس» تاۋەلسىز ءومىر ورتا­لىعى» قوعامدىق بىرلەستىگى، «قر قارۋلى كۇشتەر ارداگەرلەرى» قوعام­دىق بىرلەستىگى، اۋعانستان سوعىسى ارداگەر­لەرى ۇيىمدارىنىڭ قاۋىمداستىعى، كاسىپكەر ايەلدەر وداعى، «جاسىل» ەكونوميكا مەن G—GLOBAL-دى دامىتۋ ءۇشىن كواليتسيا­سى» زاڭدى تۇلعالار بىرلەستىگى، «جاس وتان» جاستار قاناتى، قازاقستان رەسپۋبليكاسى ۇلتتىق ينجەنەرلىك اكادەمياسى، قازاقستاننىڭ ەڭبەك ەرى، «اگروفيرما رودينا» جشس باس ديرەكتورى ي.ا. ساۋەر، قازاقستاننىڭ ەڭبەك ەرى، «التىنسارينو» جشس ديرەكتورى ب.پ.كنيازەۆ، «قازاگرويننوۆاتسيا» اق ماقتا شارۋاشىلىعى «قازعزي» جشس باس ديرەكتورى ي.ي.ۇمبەتاەۆ، «سەرى-ەركىن» جشس باس ديرەكتورى س.تۇرعانباەۆ، «تياناق – ترەيد» جشس جەتەك­شىسى ا.و. ايتباەۆ، «توبىق­تى ي ك» جشس ديرەكتورى  گ.ا. روسەل­باي، «اسەم الما» شارۋا قوجا­لىعىنىڭ باسشىسى
م.ا.اۋبا­كىروۆ، «كاسپي بالىق» وك اتقا­رۋشى ديرەكتورى ج.ۋ.شاقى­پوۆ، «وپىتنوە حوزيايستۆو ماسليچ­نىح كۋلتۋر» جشس ديرەكتورى ر.ك.احماديەۆ، «نۇرداۋلەت» شارۋا قوجالىعىنىڭ باسقارۋشى ديرەكتورى ب.ب.نۇعمانوۆ، «رايسوۆسكوە» جشس ديرەكتورى ۆ.م.كو­ۆالەنكو، «ۇركەر» شارۋا قوجا­لى­عى­نىڭ باسشىسى ب.ءا. يسابەكوۆ، «ايحان» شارۋا قوجالىعىنىڭ باسشىسى
ا.ق.قۇداباەۆ، «كۋگاباەۆ» شارۋا قو­جا­لىعىنىڭ باسشىسى ت.س.شاي­حين، «گاليتسكوە» جشس ديرەكتورى ا.ا.كاسي­تسين، «وپىتنوە حوزيايس­تۆو «يرتىشسكوە» جشس ديرەكتورى ي.ك.نۇرسەلينوۆ، «تاۋشىق اۋىل شارۋاشىلىعى» جشس ديرەكتورى ا.ق.قوسۋاقوۆ، «بەلەس» كومپانيالار توبىنىڭ باس ديرەكتورى م.و. جاكى­باەۆ، «الابوتا» جشس ديرەكتورى­نىڭ ورىنباسارى م.س.جۇتاەۆ، «اقجايلاۋ» شارۋا قوجالىعىنىڭ باسشىسى ا.ا.سادىقوۆ.

2016 جىلعى 24 مامىر،

استانا قالاسى 

Abai.kz