جەر كوميسسياسىنىڭ كەزەكتى وتىرىسى 18 ماۋسىم كۇنى cاعات 11-00-دە الماتى وبلىسىنداعى "بايسەركە اگرو" اگروكەشەنىندە وتەتىن بولدى.

سوعان وراي جەر ماسەلەسى دەگەندە جارعاق قۇلاعى جاستىققا تيمەي جۇرگەن ازاماتتار، وبلىستاعى شارۋا قوجالىق باسشىلارى، اگروفيرمالاردىڭ جەتەكشىلەرى، قوعام بەلسەندىلەرى، جۋرناليستەر وبلىس اكىمشىلىگىنەن رۇقسات الىپ، جيىنعا دايىندالا بەرۋى قاجەت.

جەر كوميسسياسىنىڭ باسشىلىعى اۋىسۋىنا بايلانىستى بۇل جولعى جيىن وزگەشە فورماتتا وتەدى دەپ جوسپارلانىپ وتىر. 

وسىنداي جاۋاپتى كەزدە جان-جاققا تارتىپ ەلدىڭ بەرەكەسىن الىپ وتىرعانىمىز جارامايدى. ءبىزدىڭ ۇلتشىلدار مەن قوعام قايراتكەرلەرى بىرىگىپ، مەملەكەتتىڭ ءوزى قۇرىپ بەرگەن كوميسسياسىنا بارىپ، ءوز ۇسىنىستارىن وتكىزۋگە، ويلارىن ايتۋىنا بولادى. 

Abai.kz