قازاقستان مەن اقش-تىڭ اراسىندا كەزدەيسوقتىق پا، ۇقساستىق پا، ايتەۋىر توركىنى جاقىن وقيعالاردى بايقاپ وتىرمىن.

30 مامىردا امەريكا ەلدىك جولىندا قۇربان بولعان ساربازدارى مەر ساردارلارىن ەسكە الۋ كۇنىن اتاپ وتسە، 31 مامىر قازاقستاندا ساياسي قۋعىن-سۇرگىننەن جاپا شەككەندەردى ەسكە الۋ كۇنى.

ودان ءبىر اپتا وتپەي جاتىپ اقتوبەدە 5 مامىرداعى قايعىلى وقيعادا لاڭكەستەر قولىنان 7 بەيبىت تۇرعىن قازا تاپتى. ەل بولىپ قايعىردىق! جاندارى ءجاناتتا بولعاي. 12 مامىردا ورلاندودا ءبىر لاڭكەس قارۋلانا تۇنگى كلۋبقا كىرىپ، 50 ادامدى جايراتىپ سالعان.

بۇل 2001 جىلعى 11 قىركۇيەكتەگى لاڭكەستىك ارەكەتتەن كەيىنگى ەڭ ۇلكەن وقيعا دەپ باعالانۋدا. امەريكا تاريxىنداعى ەڭ ۇلكەن جاپپاي اتۋ (mass shooting) ەكەن. سوڭعى 50 جىلدا وسىنداي 126 قايعىلى وقيعا ورىن الىپ، 869 ادام قۇربان بولعان.

ادامنىڭ ءومىرى ستاتيستيكالىق ەسەپكە ارقاۋ بولىپ كەتىپ جاتقانى وكىنىشتى ارينە. ءار ءومىردىڭ ىزىندە تالاي ۇرپاقتىڭ ەڭبەگى، جولىندا جاقىندارىنىڭ كوز جاسى مەن ساعىنىشى بار.

قازاقستان مەن امەريكا ۇقساسا، ەندىگى جەردە جاقسى جاڭالىقتارىمەن ۇقساعاي دەپ تىلەپ وتىرمىز.

شىڭعىس مۇقان

Facebook-تەگى پاراقشاسىنان