جۇما, 3 اقپان 2023
قوعام 4157 0 پىكىر 3 ناۋرىز, 2016 ساعات 11:13

قازاقستانداعى «جۇلدىزدار» سايلاۋىنا رەسەي ءوز ارتىستەرىن جىبەرەدى

ناۋرىزدىڭ 20-كۇنى وتەتىن كەزەكتەن تىس پارلامەنت ءماجىلىسىننىڭ سايلاۋىنا تمد اتىنان باقىلاۋشى بولىپ ءبىر توپ دەلەگات كەلەدى.  جاقىنداعى دوداعا دوربالارىن سۇيرەتىپ، جوعارعى كاسىبي دەڭگەيلى كوماندا كەلەدى دەپ جوسپارلانعان-تىن. جاقىندا وسك تمد باقىلاۋشىلارىنىڭ «جۇلدىزدى» ءتىزىمىن جاريالادى، - دەپ جازادى «informburo.kz» سايتى.

«قازاقستاندا وتەتىن پارلامەنت سايلاۋىنا باقىلاۋشى توپ – وتە جوعارى كاسىبي مامانداردان قۇرىلعان. قازىرگى تاڭدا رف مەملەكەتتىك دۋماسىنىڭ وكىلدەرى قاتارىندا باقىلاۋشى بولىپ باراتىن بىرنەشە دەپۋتاتتىڭ ەسىمى بەلگىلى. ولار: سپورتشى، پالۋان - الەكساندر كورەلين، بوكسشى - نيكولاي ۆولۋەۆ، ءانشى - يوسيف كوبزون، فيگۋريست، 3 دۇركىن الەم چەمپيونى - يرينا رودنينالار. دەلەگاتسيانى باستاپ كەلەتىن باقىلاۋشىلار جوعارى دەڭگەيلى دايىندىقتان وتكەن ماماندار-مىس. قازاقستانداعى پارلامەنت سايلاۋىنا باقىلاۋشى توپ تمد اتىنان كەلمەك. ولار رف ورتالىق سايلاۋ كوميسسياسى وكىلدەرى»، - دەيدى تمد باقىلاۋشى ميسسياسى شتابىنىڭ جەتەكشىسى ەۆگەني سلوبودا.

ايتپاقشى، رەسەيلىك بوكسشى نيكولاي ۆولۋەۆ پەن 3 دۇركىن الەم چەمپيونى يرينا رودنينالار تمد باقىلاۋشىلارى ساپىندا قازاقستاندا وتەتىن سايلاۋعا ءبىرىنشى مارتە كەلگەلى وتىرعان جوق. دۋمانىڭ ءدال وسى ءداۋ ەكى جۇلدىزى وتكەن جىلعى كەزەكتەن تىس پرەزيدەنت سايلاۋى كەزىندە دە باقىلاۋشى بولعان-تىن.

ەستەرىڭىزگە سالا كەتەيىك، 26 اقپان كۇنى تمد اتىنان قازاقستانداعى پارلامەنت سايلاۋىنا 100 باقىلاۋشى تىركەلگەن ەدى. ال ورتالىق سايلاۋ كوميسسياسىنىڭ جوسپارى بويىنشا، ناۋرىزداعى دوداعا تاۋەلسىز مەملەكەتتەر دوستاستىعى مەن حالىقارالىق ۇيىمداردان 300-دەن استام باقىلاۋشى كەلۋى كەرەك-ءتىن. ولاردىڭ قۇرامىندا، بەلورۋسسيا، ءازىربايجان، قىرعىزستان، تاجىكستان، وزبەكستان، تۇركىمەنستان مەن پارلامەنتارالىق اسسامبلەيانىڭ جانە رەسەي فەدەراتسياسى مەن بەلورۋسسيانىڭ پارلامەنتتىك كەڭەستەرىنەن وكىلدەر بولادى دەپ كۇتىلۋدە. ال ۋكراينالىق باق-تىڭ جازۋىنشا، قازاقستانداعى سايلاۋعا تمد دەلەگاتتارىنىڭ قاتارىندا ۋكراينا راداسىنىڭ وكىلدەرى بولمايدى.

قازاقستاندىق باق ناۋرىزداعى پافوستى سايلاۋعا قاتىسىپ، سىباعاسىن الۋعا نيەتتى كەي پارتيالاردىڭ پيارلى ۇمىتكەرلەرىن سىناعان ەدى.

كونستيتۋتسيالىق قۇقىقتارعا سۇيەنسەك، ارينە، قازاقستاننىڭ كەز كەلگەن ازاماتى دەپۋتات بولا الادى. دەسەك تە، پارلامەنت – قوعامنىڭ ايناسى. ال قوعامدا الۋان ءتۇرلi پiكiرلەر بار، سوندىقتان دا پارلامەنت قاتارىندا بيلiككە بالاما وي، سىن ايتا الاتىن وپپوزيتسيالىق كۇشتەردiڭ دە بولعانى دۇرىس ەدى دەدىك.

ارينە، ساياساتقا تiكەلەي قاتىسى جوق سالانىڭ وكiلدەرi, ونىڭ iشiندە ەلگە تانىمال، بەدەلدi تۇلعالار (سپورتشىلار، انشiلەر جانە تاعى باسقالار) پارلامەنت قۇرامىندا بولا الادى جانە دە وزدەرiنە قاتىستى سالالار بويىنشا زاڭ جوبالارىن ازiرلەۋگە، سول سالاداعى ۇكiمەتتiڭ ساياساتىن انىقتاپ، قيمىل-ارەكەتiن قاداعالاپ وتىرۋىنا بولادى. دەسەك تە، قازiرگi تاڭدا بولاشاق پارلامەنت قۇرامىنا زاڭ قابىلداۋ جۇمىسىن جەتiك بiلەتiن، مەملەكەت ساياساتىنىڭ بۇگە-شiگەسiنە ابدەن قانىق مامانداردىڭ، ءارتۇرلi ساياسي كوزقاراستى بiلدiرە الاتىن، پارلامەنتتiك پiكiرتالاسقا دايىن تۇلعالاردىڭ ەنگەنi ەل ءۇشiن دۇرىس بولار ەدi.

مىنە، رف اتىنان قازاقستانداعى «جۇلدىزدار» سايلاۋىنا دۋما دۋماندى دەپۋتاتتارىن جىبەرىپ وتىر. سايلاۋى قانداي بولسا، باقىلاۋشىسى دا سونداي بولۋى كەرەك قوي دەگەنى بولار. وسىدان تۇيگەنىمىز، ء«يتتىڭ دە وزىنە ساي قارعىباۋى، ءبيتتىڭ دە وزىنە ساي قابىعى بار» دەگەن راس-اۋ.

نۇرگەلدى ابدىعانيۇلى

Abai.kz 

0 پىكىر