جۇما, 14 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
جاڭالىقتار 2441 0 پىكىر 27 ءساۋىر, 2016 ساعات 08:50

رەسەي مەن قازاقستاننىڭ اۋە كومپانيالارى ىستىقكولگە تىكەلەي رەيستەر اشۋعا دايىن

بۇل تۋرالى «ماناس حالىقارالىق اۋەجايى» ااق ينۆەستيتسيالىق جانە ينفراقۇرىلىمدىق دامۋ ديرەكتسيسىنىڭ باسشىسى ابدىمالىك بۇسۇرمانقۇلوۆ مالىمدەدى.

تامشى اۋىلىنداعى اۋەجايداعى جۇمىستار تۋرالى ايتا كەلە بۇسۇرمانقۇلوۆ قايتا قۇرۋ جۇمىستارىنىڭ 4 باعىتتا ءجۇرىپ جاتقانىن ايتتى. وعان جارىقپەن بەلگى بەرۋ قۇرالدارىن ورناتۋ، ۇشاقتاردى قوندىرۋ جۇيەسى، ەلەكتر قۋاتىن توقتاۋسىز بەرۋ جاعىن قامتاماسىز ەتۋ مەن ۇشۋ-قونۋ الاڭدارىن ۇلعايتۋ جۇمىستارى كىرەدى. قازىر ۇشۋ-قونۋ جولاعى 3 800 مەترگە ۇزارعان.

"ىستىقكول" اۋەجايىن قايتا قۇرۋ جۇمىستارىن ماۋسىم ايىنىڭ ورتاسىندا اياقتاۋ كوزدەلگەن، ودان كەيىن اۋەجاي جىل بويى كۇندىز-ءتۇنى ىستەمەك.

«رەسەي مەن قازاقستاننىڭ اۋە كومپانيالارىنان تىكەلەي اۋە جولدارىن اشۋ تۋرالى ۇسىنىستار ءتۇستى. تۋريستىك ماۋسىم قارساڭىندا تامشىعا الماتىدان، استانادان جانە شىمكەنتتەن تىكەلەي اۋە قاتىناسى اشىلادى. ودان بولەك وش – تامشى» باعىتىنداعى ىشكى رەيستەر دە ۇشۋىن جالعاستىرادى، - دەدى بۇسۇرمانقۇلوۆ.

رەسەيلىك تۋريستىك وپەراتورلار رەسەيلىكتەر ءۇشىن بيىل قىرعىزستان ەڭ قالاۋلى دەمالىس باعىتىنا اينالعانىن حابارلادى.بيىل جازدا بۇل ەلگە 100 مىڭنان استام رەسەيلىك دەمالۋشى كەلىپ، ولاردىڭ باسىم بولىگى ىستىقكولدە دەمالادى دەگەن بولجام بار.

اباي-اقپارات

0 پىكىر