Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
Jañalıqtar 2431 0 pikir 27 Säuir, 2016 sağat 08:50

Resey men Qazaqstannıñ äue kompaniyaları Istıqkölge tikeley reyster aşuğa dayın

Bwl turalı «Manas halıqaralıq äuejayı» AAQ investiciyalıq jäne infraqwrılımdıq damu direkcisınıñ basşısı Äbdimälik Bwswrmanqwlov mälimdedi.

Tamşı auılındağı äuejaydağı jwmıstar turalı ayta kele Bwswrmanqwlov qayta qwru jwmıstarınıñ 4 bağıtta jürip jatqanın ayttı. Oğan jarıqpen belgi beru qwraldarın ornatu, wşaqtardı qondıru jüyesi, elektr quatın toqtausız beru jağın qamtamasız etu men wşu-qonu alañdarın wlğaytu jwmıstarı kiredi. Qazir wşu-qonu jolağı 3 800 metrge wzarğan.

"Istıqköl" äuejayın qayta qwru jwmıstarın mausım ayınıñ ortasında ayaqtau közdelgen, odan keyin äuejay jıl boyı kündiz-tüni istemek.

«Resey men Qazaqstannıñ äue kompaniyalarınan tikeley äue joldarın aşu turalı wsınıstar tüsti. Turistik mausım qarsañında Tamşığa Almatıdan, Astanadan jäne Şımkentten tikeley äue qatınası aşıladı. Odan bölek Oş – Tamşı» bağıtındağı işki reyster de wşuın jalğastıradı, - dedi Bwswrmanqwlov.

Reseylik turistik operatorlar reseylikter üşin biıl Qırğızstan eñ qalaulı demalıs bağıtına aynalğanın habarladı.Biıl jazda bwl elge 100 mıñnan astam reseylik demaluşı kelip, olardıñ basım böligi Istıqkölde demaladı degen boljam bar.

Abay-aqparat

0 pikir