الماتىنىڭ تجد «101» پۋلتىنە 10 مامىر كۇنى 04.37 كۋاگەردەن المالى اۋدانى، ابىلاي حان كوشەسىندەگى Korova Bar كافەسىنىڭ ورتەنىپ جاتقانى تۋرالى اقپارات تۇسكەن. بۇل تۋرالى تجد-ءنىڭ رەسمي وكىلى ساندۋعاش بايمۇحامبەتوۆا NUR.KZ حابارلادى.

ونىڭ مالىمدەۋىنشە،ء ورت سوندىرۋشىلەردىڭ العاشقى توبى جەتى مينۋتتان كەيىن، ياعني 04 ساعات 44 مينۋتتا وقيعا ورنىنا جەتكەن.

انىقتالعانداي، تۇرعىن ۇيگە جاپسارلاس سالىنعان Korova Bar كافەسىن ءورت شىعىپ، جەتى قاباتتى ءۇيدىڭ سىرتقى بەتى مەن "يۋبەلەينىي" دۇكەنىنە تاراعان. ءورتتىڭ اۋماعى شامامەن 800 شارشى مەتردى قۇراعان. سوعان بايلانىستى، قوسىمشا ءورت ءسوندىرۋ بولىمشەلەرى شاقىرىلعان. ال تۇرعىن ۇيلەردىڭ تۇرعىندارى بىردەن قاۋىپسىز جەرگە كوشىرىلگەن.

05 ساعات 23 مينۋتتا ءورت وشاعىندا جارىلىس بولعان. سالدارىنان ءورت تۇرعىن ۇيلەردىڭ بالكوندارىنا ويىسقان. وسىلايشا، التىنشى قاباتتا ورنالاسقان بالكوندارعا دەيىن ءورت شالعان.

تۇرعىن ءۇيدىڭ سىرتقى جاعىن ءسوندىرۋ ءۇشىن وقپانى بار ءيىندى كوتەرگىش قۇرىلعىلار قولدانىلعان. تۇرعىندار ۇيدەن گاز-تۇتىننەن قورعاۋشىلاردىڭ كومەگىمەن باسپالداقتار ارقىلى جانە تەرەزە ارقىلى جىلجىمالى ساتىلار بويىنشا سىرتقا شىعارىلعان.

ورتتەن بارلىعى جەتى ادام قۇتقارىلىپ، 120 ادام ولاردىڭ ۇشەۋى بالالار قاۋىپسىز جەرگە كوشىرىلگەن. گازدان ۋلانعان ءبىر ادام اۋرۋحاناعا جەتكىزىلگەن. ال ورتتەن جاپا شەككەن باسقا ادامدار جوق.

وقيعا ورنىنا 21 تەحنيكا مەن جەكە قۇتقارۋ قىزمەتىنىڭ 115 ادامى جۇمىلدىرىلعان.ء ورت تاڭعى ساعات 05:52-دە اۋىزدىقتالىپ، 06 ساعات 36 مينۋتتا تولىعىمەن ءسوندىرىلدى.

ءورتتىڭ جالپى اۋماعى 1100 شارشى مەتردى قامتىعان.ء ورتتىڭ شىعۋ سەبەبى انىقتالۋدا.

اباي-اقپارات