قر تاۋەلسىزدىك كۇنى قارساڭىندا پەتروپاۆل قالاسىندا قتقجب سالىمشىلارىنا جاڭا پاتەرلەردىڭ كىلتتەرى تابىستالدى.  بۇل تۋرالى abai.kz  پورتالى حابارلايدى.

قازاقستان رەسپۋبليكاسىنىڭ تاۋەلسىزدىك كۇنى قارساڭىندا پەتروپاۆل قالاسىندا اۋماعى 90 جانە 55 پاتەردى قۇرايتىن قوس بىردەي تۇرعىن ءۇي ەكسپلۋاتاتسياعا بەرىلگەن بولاتىن. مەملەكەتتىك «وڭىرلەردى دامىتۋ – 2020» باعدارلاماسىنىڭ اياسىندا سالىنعان جاڭا تۇرعىن ۇيلەرگە 145 سولتۇستىك قازاقستاندىق وتباسى قونىستاندى. ايتا كەتەيىك، جاڭا پاتەرلەرگە يە بولعانداردىڭ جارتىسى قازاقستاننىڭ تۇرعىن ءۇي قۇرىلىس جيناق بانكىنىڭ سالىمشىلارى بولعان.

كەشە ەلىمىزدىڭ باستى مەيرامى – تاۋەلسىزدىك  كۇنى مەن جانە جاڭا پاتەر يەلەرىن قونىس تويلارىمەن قۇتتىقتاۋعا وبلىس اكىمى ەرىك سۇلتانوۆ كەلدى.

- ءبىزدىڭ وبلىسىمىزدا مەملەكەتتىك «وڭىرلەردى دامىتۋ 2020» باعدارلاماسى ءبىر جۇيەگە قويىلعان. جۇمىسپەن قامتۋدىڭ «جول كارتاسى 2020» باعدارلاماسى بويىنشا ء تيىستى جۇمىستار جۇرگىزىلۋدە. ال مەملەكەتتىڭ قامقورلىعىمەن، قتقجب باعدارلاماسى بويىنشا تۇرعىنداردى باسپانامەن قامتۋ باعدارلاماسى ءوزىنىڭ ناتيجەسىن كورسەتىپ وتىر. سىزدەردى، شىن جۇرەكتەن قۇتتىقتايمىن!-, دەدى ەرىك سۇلتانوۆ. 

سونىمەن قاتار، كەشە قونىس تويىن تويلاعان تۇرعىنداردى «قازاقستانىڭ تۇرعىن ءۇي قۇرىلىس جيناق بانكىنىڭ» باسقارما توراعاسىنىڭ ورىنباسارى ەربول قاراشۇكەەۆ تە قۇتتىقتاپ، ەندى ءاربىر شاڭىراقتان ءسابيدىڭ كۇلكىسى تاۋسىلماۋىن، تەك وسىنداي قۋانىشتى ساتتەردە عانا قاۋىشۋدى تىلەدى.

تاۋەلسىزدىك كۇنى قارساڭىندا جاڭا پاتەرگە قونىستانۋشىلاردىڭ ءبىرى پەتروپاۆل قالاسىنىڭ تۇرعىنى اللا سادۋاقاسوۆا.

«بىزگە جاڭا پاتەرىمىز قاتتى ۇنايدى. ول ۇلكەن جانە جاپ-جارىق. اسىرەسە، اس ۇيدە كوپ ۋاقىتىمدى وتكىزەتىن بولعاندىقتان،  جاڭا پاتەرىمىزدىڭ اس ۇيىنە بىردەن كوز سالدىم. اۋماعى ۇلكەن. كەز كەلگەن ايەل ءۇشىن وسىدان ارتىق نە كەرەك!»،-دەيدى اللا سادۋاقاسوۆا.

ايتا كەتەيىك، جاڭا پاتەرگە قونىستانۋشىلار مەملەكەتتىك «وڭىرلەردى دامىتۋ 2020» باعدارلاماسى بويىنشا جانە قازاقستاننىڭ تۇرعىن ءۇي قۇرىلىس جيناق بانكىنىڭ «بارلىق ساناتتاعىلارعا باسپانا» باعدارلاماسى بويىنشا بانك سالىمشىلارى بولعان ازاماتتار.

جالپى 2012 جىلدان بەرى قاراي وڭىردە اتالمىش باعدارلاما بويىنشا 16 تۇرعىن ءۇي سالىنىپ، جاڭا پاتەرلەرگە  903 وتباسى قونىستانعان.

قۇرىلىس كومپانياسىنىڭ ديرەكتورى حايدار اتاجانوۆتىڭ ايتۋىنشا، قۇرىلىسى اياقتالعان جاڭا پاتەرلەرگە ەلەكتر ۇنەمدەگىش قۇرىلعىلار مەن جىلى ەدەن جۇيەسى ەنگىزىلگەن.

- ءبارى جوعارعى دەڭگەيدە سالىندى. قر پرەزيدەنتى نۇرسۇلتان ءابىشۇلى نازارباەۆتىڭ كورەگەن ساياساتىنىڭ ارقاسىندا بىزگە دە جۇمىس تابىلىپ، تۇرعىندارعا ساپالى باسپانا سالۋدامىز،-دەيدى حايدار اتاجانوۆ.

Abai.kz