دەسەك تە، بۇگىن گەنادي گولوۆكينمەن شىعاتىن دومينيك ۋەيدتى سىناپ جاتقان ماماندار جەتەرلىك.

ماسەلەن سپورت ءجۋرناليستى ازيز ورازباەۆ: "گولوۆكيننىڭ كەلەسى قارسىلاسى كوپشىلىككە بەيمالىم امەريكاندىق دومينيك ۋەيد ەكەنىن ەستىگەن كەيبىر بوكسسۇيەر قاۋىم جەرلەسىمىزدى ءبىراز سىنعا الىپ، وعان ساۋل كانەلو الۆارەستەن ۇلگى الۋ كەرەكتىگىن جازىپ جاتىر. ءيا، كانەلونىڭ 7 مامىرداعى قارسىلاسى امبەگە ايان امير حان. افينى وليمپياداسىنىڭ جارتىلاي فينالىندا جەرلەسىمىز سەرىك ەلەۋوۆتى جەڭگەن. كاسىپقوي بوكستا دا ءبىراز بەلەستى باعىندىرعان. بىراق، كەلىسەسىزدەر دەپ ويلايمىن، كانەلو مەن حاننىڭ سالماقتارى مۇلدەم ۇيلەسپەيدى. بريتاندىق بوكسشى 2004 جىلى 60 كەلىدە جۇدىرىقتاسقان. كاسىپقوي بوكستا تەك 63,5 كەلى، ياعني ءبىرىنشى ورتا سالماقتا ءجۇردى. جارتىلاي ورتا سالماققا (69,9 كەلى) اۋىسقانى كەشە عانا. ال كانەلو شە؟ اتستەكتىڭ جارتىلاي ورتا سالماقتا جۇرگەنىنە كوپ بولدى. سالماعى دا ءبىرشاما. جەكپە-جەككە ءبىر كۇن قالعاندا سالماعى 69 كەلىنى كورسەتىپ تۇرعانىمەن شارشى الاڭعا 80 كەلى بولىپ شىعۋى دا مۇمكىن. ماسەلەن، وتكەن جىلدىڭ قاراشاسىندا كوتتومەن بولعان جەكپە-جەك 70 كەلى اياسىندا وتەدى دەپ كەلىسىلگەنىمەن مەكسيكالىق بوكسشى رينگكە شىققاندا سالماعى 80-نەن اسىپ كەتتى دەگەن سىبىس بار.

سوندىقتان، قارسىلاسىنىڭ اتىنا قاراپ گولوكيندى جازعىرمايىق. ۋەيد تە وسال بوكسشى ەمەس، 18 جەكپە-جەگىنىڭ بارلىعىن دا جەڭىسپەن اياقتاعان. ونىڭ ۇستىنە، گەنا دومينيكپەن IBF-ءتىڭ الدىندا مىندەتى بولعاننان كەيىن عانا جۇدىرىسپاق. ايتپەسە، الگى بوكسشىنىڭ كىم ەكەنىن ءوزى دە دۇرىس بىلمەيتىن شىعار. ال كانەلو مەن امير حاننىڭ ايقاسى مىنا سۋرەتتەگىدەي بولارىنا كەپىل بەرەمىن" دەپ جازادى.

اباي-اقپارات