دۇيسەنبى, 20 مامىر 2024
جاڭالىقتار 3497 0 پىكىر 27 قازان, 2015 ساعات 11:02

احمەتوۆ ءىسى: 1 ملرد-تان استام تەڭگەگە ازاماتتىق شاعىم ءتۇسىرىلدى

«احمەتوۆ ءىسى» بويىنشا ايىپتالۋشىلارعا 1 ملرد-تان استام تەڭگەگە ازاماتتىق شاعىم ءتۇسىرىلدى.

«احمەتوۆ ءىسى» بويىنشا 26 قازانداعى سوت وتىرىسىندا قاراعاندى قالاسىنىڭ يندۋستريالدىق پاركىندەگى ينفراقۇرىلىمدىق نىسانداردىڭ قۇرىلىسىن سالۋ كەزىندە بيۋدجەت قاراجاتىن ۇرلاۋ ەپيزودىن قاراۋ بارىسىندا سوتتالۋشىلارعا (س. احمەتوۆ، ع. مۇحامبەتوۆ، ا. ەسسە، ءا. اقمولداەۆ، و. ايمەنبەتوۆ، ب. يسكاكوۆ، د. نۇرباەۆ) «مميپ» جشس-ءنىڭ ديرەكتورى ۆ. يۆانوۆتىڭ اتىنان ازاماتتىق شاعىم ءتۇستى. شاعىم يەسى «مميپ» جشس-نە كەلتىرىلگەن مۇلىكتىك زيان ءۇشىن سوتتالۋشىلاردان 1 ملرد. 129 ملن. 548 مىڭ تەڭگە ءوندىرىپ الۋدى وتىنگەن.

«2010 جىلدىڭ 8 قىركۇيەگىندە تاپسىرىس بەرۋشى «مميپ» جشس-ءى مەن باس مەردىگەر «قازگەرقۇرىلىس» جشس-ءنىڭ اراسىندا قاراعاندى قالاسىنىڭ يندۋستريالدىق پاركىندەگى ينفراقۇرىلىمدىق نىسانداردى سالۋعا قۇرىلىس-مونتاج جۇمىستارىن ساتىپ الۋ جونىندە كەلىسىم-شارت جاسالادى. مەردىگەرگە تاپسىرىلعان جۇمىستاردىڭ قۇنى 15 ملرد. 705 ملن. 746 مىڭ تەڭگە كولەمىندە بەلگىلەنگەن. كەلىسىم-شارتتا قۇرىلىس جۇمىستارى 2013 جىلدىڭ 5 مامىرىنا دەيىن اياقتالاتىنى كورسەتىلگەن.  2013 جىلعى 23 جەلتوقسانداعى قاراعاندى وبلىستىق اۋدانارالىق مامانداندىرىلعان ەكونوميكالىق سوتىنىڭ شەشىمىنە سايكەس مەردىگەردىڭ باستاماسىمەن قۇرىلىس مەرزىمى 2014 جىلدىڭ 7 قىركۇيەگىنە دەيىن ۇزارتىلىپ، كەلىسىم-شارتتىڭ قۇنى 16 ملرد. 762 ملن. 455 مىڭ تەڭگەگە دەيىن ۇلعايتىلادى»،- دەپ وقىپ بەردى شاعىمنىڭ ءماتىنىن سوتتا توراعالىق ەتۋشى سۋديا ي. ەسەنباەۆ.

شاعىم حاتتا جازىلعانداي، يندۋستريالدىق پارك اۋماعىنداعى ينفراقۇرىلىمدىق نىسانداردىڭ قۇرىلىسى «ساۋلەت» جشس-ءى جاساعان جوبالىق-سمەتالىق قۇجاتتاما (قىسقاشا العاندا - جسق) بويىنشا جۇزەگە اسىرىلدى. بۇل جسق-عا «مەمەكسپەرتيزا» رمك-ى وڭ تۇجىرىم بەرىپ، ول قۇرىلىس ىستەرى جانە تۇرعىن ءۇي-كوممۋنالدىق شارۋاشىلىعى اگەنتتىگىنىڭ بۇيرىعىمەن بەكىتىلگەن. الايدا قىلمىستىق ءىستىڭ ماتەريالدارىندا كورسەتىلگەندەي، 2010-2014 جىلدار ارالىعىندا شارۋاشىلىق-تۇرمىستىق سۋاعارلاردى تازالاۋ ستانتسياسىن سالۋ كەزىندە مەردىگەرلەر مەن «تسەنترستروي-كومپلەكت نس» جشس-ءى اتالعان نىسانعا قاتىستى جسق-نىڭ تەحنولوگيالىق جانە جوبالىق شەشىمدەرىن نەگىزسىز وزگەرتەدى. اتاپ ايتقاندا چەحتار جاساپ شىعارعان جوبالىق قوندىرعىنى قازاقستاندىق «Eco treatment systems» جشس-ءنىڭ تەحنولوگياسىنا اۋىستىرۋ ناتيجەسىندە قوندىرعىنىڭ قۇنى ءوسىپ كەتەدى.

بۇدان ءارى شاعىم حاتتا: «سونىمەن قاتار قاراعاندى قالاسىنىڭ يندۋستريالدىق پاركىنىڭ كاناليزاتسيالىق-تازالاۋ جۇيەسىنىڭ قۇرىلىسى «مەمەكسپەرتيزا» رمك بەكىتپەگەن، تۇزەتىلگەن جوبالىق-سمەتالىق قۇجاتتاما بويىنشا جۇزەگە اسىرىلدى. سول سەبەپتەن تاپسىرىس بەرۋشى – «مميپ» جشس-ءى-ءنىڭ اتالعان نىساندى پايدالانۋعا قابىلداپ الۋعا جانە ونى مەملەكەت مەنشىگىنە بەرۋگە قۇقىعى جوق. بىراق «مەمەكسپەرتيزا» رمك-نىڭ وڭ تۇجىرىمىنسىز سالىنعان قۇرىلىسقا «مميپ» جشس-ءى رەسپۋبليكالىق بيۋدجەتتەن بولىنگەن ماقساتتى قاراجات ەسەبىنەن اقشا تولەدى. قىلمىستىق ءىستىڭ ماتەريالدارىندا كورسەتىلگەندەي، جوعارىدا ايتىلعان قىلمىستىق توپتىڭ مۇشەلەرى ول اقشانى بانك ەسەپ-شوتتارىنان الىپ، تەرگەۋ نۇسقاسى بويىنشا ءوزارا بولىسكەن. سونداي-اق، قىلمىستىق ءىس ماتەريالدارىنا سۇيەنە وتىرىپ، سوتقا دەيىنگى تەرگەۋ امالدارى اتالعان توپتىڭ الدىن-الا كەلىسىپ العان قىلمىستىق ارەكەتتەرىنىڭ ناتيجەسىندە مەملەكەتكە 1 ملرد. 129 ملن. 548 مىڭ تەڭگە كولەمىندە زيان كەلگەنىن انىقتادى» دەلىنگەن.

شاعىم بەرۋشى جوعارىدا اتتارى اتالعان تۇلعالاردىڭ كىناسى دالەلدەنگەن جاعدايدا اتالعان سومانى «مميپ» جشس-ءنىڭ مۇلىكتىك زيانىن وتەۋ ەسەبىنەن ءوندىرۋدى سۇرايدى. سوت وتىرىسىنىڭ سوڭىنا قاراي شاعىم حات بارلىق سوتتالۋشىلارعا تاراتىلىپ بەرىلدى. ايتارلىعى، كاسىپكەر دۋمان نۇرباەۆتان (ول شاعىم حاتپەن جارتىلاي كەلىسەتىنىن ايتتى) باسقالار شاعىمحاتپەن كەلىسپەيتىنىن مالىمدەدى.

ءامينا باكىر

اباي-اقپارات   

 

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2175
ادەبيەت

«سولاي ەمەس پە؟»

عابباس قابىشۇلى 2575
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2465
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672