Júma, 29 Nauryz 2024
Janalyqtar 3452 0 pikir 27 Qazan, 2015 saghat 11:02

AHMETOV ISI: 1 MLRD-TAN ASTAM TENGEGE AZAMATTYQ ShAGhYM TÝSIRILDI

«Ahmetov isi» boyynsha aiyptalushylargha 1 mlrd-tan astam tengege azamattyq shaghym týsirildi.

«Ahmetov isi» boyynsha 26 qazandaghy sot otyrysynda Qaraghandy qalasynyng industrialdyq parkindegi infraqúrylymdyq nysandardyng qúrylysyn salu kezinde budjet qarajatyn úrlau epizodyn qarau barysynda sottalushylargha (S. Ahmetov, Gh. Múhambetov, A. Esse, Á. Aqmoldaev, O. Aymenbetov, B. Iskakov, D. Núrbaev) «MMIYP» JShS-ning diyrektory V. Ivanovtyng atynan azamattyq shaghym týsti. Shaghym iyesi «MMIYP» JShS-ne keltirilgen mýliktik ziyan ýshin sottalushylardan 1 mlrd. 129 mln. 548 myng tenge óndirip aludy ótingen.

«2010 jyldyng 8 qyrkýieginde tapsyrys berushi «MMIYP» JShS-i men bas merdiger «QazGerQúrylys» JShS-ning arasynda Qaraghandy qalasynyng industrialdyq parkindegi infraqúrylymdyq nysandardy salugha qúrylys-montaj júmystaryn satyp alu jóninde kelisim-shart jasalady. Merdigerge tapsyrylghan júmystardyng qúny 15 mlrd. 705 mln. 746 myng tenge kóleminde belgilengen. Kelisim-shartta qúrylys júmystary 2013 jyldyng 5 mamyryna deyin ayaqtalatyny kórsetilgen.  2013 jylghy 23 jeltoqsandaghy Qaraghandy oblystyq audanaralyq mamandandyrylghan ekonomikalyq sotynyng sheshimine sәikes merdigerding bastamasymen qúrylys merzimi 2014 jyldyng 7 qyrkýiegine deyin úzartylyp, kelisim-sharttyng qúny 16 mlrd. 762 mln. 455 myng tengege deyin úlghaytylady»,- dep oqyp berdi shaghymnyng mәtinin sotta tóraghalyq etushi sudiya I. Esenbaev.

Shaghym hatta jazylghanday, industrialdyq park aumaghyndaghy infraqúrylymdyq nysandardyng qúrylysy «Sәulet» JShS-i jasaghan jobalyq-smetalyq qújattama (qysqasha alghanda - JSQ) boyynsha jýzege asyryldy. Búl JSQ-gha «Memekspertiza» RMK-y ong tújyrym berip, ol Qúrylys isteri jәne túrghyn ýi-kommunaldyq sharuashylyghy agenttigining búiryghymen bekitilgen. Alayda qylmystyq isting materialdarynda kórsetilgendey, 2010-2014 jyldar aralyghynda sharuashylyq-túrmystyq suagharlardy tazalau stansiyasyn salu kezinde merdigerler men «Sentrstroy-komplekt NS» JShS-i atalghan nysangha qatysty JSQ-nyng tehnologiyalyq jәne jobalyq sheshimderin negizsiz ózgertedi. Atap aitqanda chehtar jasap shygharghan jobalyq qondyrghyny qazaqstandyq «Eco treatment systems» JShS-ning tehnologiyasyna auystyru nәtiyjesinde qondyrghynyng qúny ósip ketedi.

Búdan әri shaghym hatta: «Sonymen qatar Qaraghandy qalasynyng industrialdyq parkining kanalizasiyalyq-tazalau jýiesining qúrylysy «Memekspertiza» RMK bekitpegen, týzetilgen jobalyq-smetalyq qújattama boyynsha jýzege asyryldy. Sol sebepten tapsyrys berushi – «MMIYP» JShS-i-ning atalghan nysandy paydalanugha qabyldap alugha jәne ony memleket menshigine beruge qúqyghy joq. Biraq «Memekspertiza» RMK-nyng ong tújyrymynsyz salynghan qúrylysqa «MMIYP» JShS-i respublikalyq budjetten bólingen maqsatty qarajat esebinen aqsha tóledi. Qylmystyq isting materialdarynda kórsetilgendey, jogharyda aitylghan qylmystyq toptyng mýsheleri ol aqshany bank esep-shottarynan alyp, tergeu núsqasy boyynsha ózara bólisken. Sonday-aq, qylmystyq is materialdaryna sýiene otyryp, sotqa deyingi tergeu amaldary atalghan toptyng aldyn-ala kelisip alghan qylmystyq әreketterining nәtiyjesinde memleketke 1 mlrd. 129 mln. 548 myng tenge kóleminde ziyan kelgenin anyqtady» delingen.

Shaghym berushi jogharyda attary atalghan túlghalardyng kinәsi dәleldengen jaghdayda atalghan somany «MMIYP» JShS-ning mýliktik ziyanyn óteu esebinen óndirudi súraydy. Sot otyrysynyng sonyna qaray shaghym hat barlyq sottalushylargha taratylyp berildi. Aytarlyghy, kәsipker Duman Núrbaevtan (ol shaghym hatpen jartylay kelisetinin aitty) basqalar shaghymhatpen kelispeytinin mәlimdedi.

Ámina BÁKIR

Abay-aqparat   

 

0 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1578
Alashorda

Qojanov mejeleu nauqanynda (Jalghasy)

Beybit Qoyshybaev 2272
Ghibyrat

Qaysar ruhty ghaziz jan

Múhtar Qúl-Múhammed 3590