سەنبى, 23 قاڭتار 2021
ۋاق-تۇيەك... 3278 0 پىكىر 26 قاراشا, 2015 ساعات 03:00

مەملەكەتتىك باعدارلامالاردىڭ ورىندالۋ كورسەتكىشى تالقىلاندى

 

شىمكەنت قالاسى اكىمدىگىنىڭ ءماجىلىس زالىندا قالا اكىمى ع. ءابدىراحىموۆتىڭ قاتىسۋىمەن قالا بيۋدجەتىنىڭ يگەرىلۋ بارىسىن تالقىلاعان جيىن ءوتتى. كۇن تارتىبىندە ەكونوميكا جانە قارجى ءبولىمىنىڭ باسشىسى ر. مۋلكەمانوۆ جىل سوڭىنا دەيىنگى بيۋدجەت قارجىلارىنىڭ يگەرىلۋ جاعدايى، مەملەكەتتىك باعدارلاماردىڭ ورىندالۋ بارىسى تۋرالى بايانداما جاسادى. 
قازىرگى تاڭدا، شاھارىمىزدا 9 مەملەكەتتىك باعدارلاما جۇزەگە اسىرىلۋدا. اتاپ ايتار بولساق، «جۇمىسپەن قامتۋ-2020» جول كارتاسى باعدارلاماسى بويىنشا بيىل 5 ينفراقۇرىلىمدىق جوبانى جۇزەگە اسىرۋ ماقساتىندا جۇمىسپەن قامتۋ ورتالىعى ارقىلى 108 جۇمىسسىزداردى جولداۋ  قاجەت بولاتىن.  بۇگىنگى تاڭدا  جوسپار تولىعىمەن ورىندالدى.  
قالادا 3-6 جاس ارالىعىنداعى مەكتەپكە دەينگى مەكەمەمەن قامتىلماعان 57127 بالا  بار.  «بالاپان» باعدارلاماسى ارقىلى بالاباقشامەن قامتىلعانداردىڭ جالپى ۇلەسى 74,1 پايىزدى قۇراپ وتىر. ال، بيىلعى جوسپار 80 پايىزعا ورىندالعان. 
«وڭىرلەردى دامىتۋدىڭ-2020 جىلعا دەيىنگى باعدارلاماسى» بويىنشا  قالالىق قۇرىلىس ءبولىمى ارقىلى 2015 جىلى بارلىعى 41 تۇرعىن ءۇيدىڭ قۇرىلىسى جۇرگىزىلۋدە. ونىڭ ىشىندە 2699 پاتەرلى 37 تۇرعىن ءۇيدىڭ قۇرىلىسىن جىل سوڭىنا اياقتاۋ جوسپارلانعان. قازىرگى تاڭدا 1763 پاتەرلى 26 تۇرعىن ءۇي پايدالانۋعا بەرىلدى. ال، 11 ءۇي جۇمىس كوميسسياسىمەن قابىلدانۋدا. سونىمەن قاتار، «قازاقستان يپوتەكالىق كومپانياسى» جشس ارقىلى  جىل باسىنان 1572 پاتەردى پايدالانۋعا بەرۋ جوسپارلانعان. قازىرگى تاڭدا 1080 پاتەردىڭ قۇرىلىسى اياقتالىپ، كەزەكتە تۇرعان ازاماتتارعا بەرىلۋدە. تۇرعىن ءۇي قورىن جاڭعىرتۋ بويىنشا رەسپۋبليكالىق بيۋدجەتتىڭ نەسيەلەرى ەسەبىنەن 252,1 ملن.تەڭگەگە 35 كوپ قاباتتى تۇرعىن ۇيلەردى  كۇردەلى جوندەۋ جوسپارلانعان. قازىرگى تاڭدا 34 تۇرعىن ۇيگە كۇردەلى جوندەۋ جۇمىستارى اياقتالىپ، ونىڭ 16-نا قابىلداۋ اكتىسى الىنعان، ال قالعان 18 ءۇيدى قابىلداۋ جۇمىستارى جۇرگىزىلىپ جاتىر. ءبىر ۇيگە كۇردەلى جوندەۋ جۇمىستارى  جۇرگىزىلۋدە. ايتا كەتەرلىگى، ەگەر مەملەكەتتىك قابىلداۋ اكتىسى مەرزىمىندە راسىمدەلمەگەن  جاعدايدا قالا اكىمدىگىنىڭ تيىمدىلىگىنە كەرى اسەر ەتەدى. 
قر-سىن يندۋستريالىق-يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىمەن قالادا قۇنى 21,0 ملرد. تگ قۇرايتىن 5 ينۆەستيتسيالىق جوبانى («ستاندارت تسەمەنت» جشس، «ددەك» جشس، «امير-ا» جشس، «بال تەستيل» جشس، «يۋگOil Pro» جشس) جۇزەگە اسىرۋ ارقىلى 592 جۇمىس ورنىن اشۋ جوسپارلانعان. قازىرگى تاڭدا يندۋستريالىق ايماقتا 2 جوبا جۇزەگە اسىرىلعان. 

ەكونوميكا جانە قارجى ءبولىمى باسشىسىنىڭ بايانداماسىن تىڭداعان شاھار باسشىسى ءار سالاعا جۋاپتى  اكىم ورىنباسارلارى مەن ءبولىم باسشىلارىنا تاپسىرمالار  بەرىپ، اتالمىش باعدارلامالاردىڭ تىڭعىلىقتى ورىندالۋىن قاداعالاۋدى ايتتى.

Abai.kz

0 پىكىر