Дүйсенбі, 28 Қыркүйек 2020
COVID-19 ҚАЗАҚСТАНДА. Жұқтырғандар — 107775. Жазылғандар — 102736. Қайтыс болғандар — 1699
Уақ-түйек... 3129 0 пікір 26 Қараша, 2015 сағат 03:00

Мемлекеттік бағдарламалардың орындалу көрсеткіші талқыланды

 

Шымкент қаласы әкімдігінің мәжіліс залында қала әкімі Ғ. Әбдірахымовтың қатысуымен қала бюджетінің игерілу барысын талқылаған жиын өтті. Күн тәртібінде экономика және қаржы бөлімінің басшысы Р. Мулкеманов жыл соңына дейінгі бюджет қаржыларының игерілу жағдайы, мемлекеттік бағдарламардың орындалу барысы туралы баяндама жасады. 
Қазіргі таңда, шаһарымызда 9 мемлекеттік бағдарлама жүзеге асырылуда. Атап айтар болсақ, «Жұмыспен қамту-2020» жол картасы бағдарламасы бойынша биыл 5 инфрақұрылымдық жобаны жүзеге асыру мақсатында жұмыспен қамту орталығы арқылы 108 жұмыссыздарды жолдау  қажет болатын.  Бүгінгі таңда  жоспар толығымен орындалды.  
Қалада 3-6 жас аралығындағы мектепке дейнгі мекемемен қамтылмаған 57127 бала  бар.  «Балапан» бағдарламасы арқылы балабақшамен қамтылғандардың жалпы үлесі 74,1 пайызды құрап отыр. Ал, биылғы жоспар 80 пайызға орындалған. 
«Өңірлерді дамытудың-2020 жылға дейінгі бағдарламасы» бойынша  қалалық құрылыс бөлімі арқылы 2015 жылы барлығы 41 тұрғын үйдің құрылысы жүргізілуде. Оның ішінде 2699 пәтерлі 37 тұрғын үйдің құрылысын жыл соңына аяқтау жоспарланған. Қазіргі таңда 1763 пәтерлі 26 тұрғын үй пайдалануға берілді. Ал, 11 үй жұмыс комиссиясымен қабылдануда. Сонымен қатар, «Қазақстан ипотекалық компаниясы» ЖШС арқылы  жыл басынан 1572 пәтерді пайдалануға беру жоспарланған. Қазіргі таңда 1080 пәтердің құрылысы аяқталып, кезекте тұрған азаматтарға берілуде. Тұрғын үй қорын жаңғырту бойынша республикалық бюджеттің несиелері есебінен 252,1 млн.теңгеге 35 көп қабатты тұрғын үйлерді  күрделі жөндеу жоспарланған. Қазіргі таңда 34 тұрғын үйге күрделі жөндеу жұмыстары аяқталып, оның 16-на қабылдау актісі алынған, ал қалған 18 үйді қабылдау жұмыстары жүргізіліп жатыр. Бір үйге күрделі жөндеу жұмыстары  жүргізілуде. Айта кетерлігі, егер мемлекеттік қабылдау актісі мерзімінде рәсімделмеген  жағдайда қала әкімдігінің тиімділігіне кері әсер етеді. 
ҚР-сын индустриялық-инновациялық дамытудың 2015-2019 жылдарға арналған мемлекеттік бағдарламасымен қалада құны 21,0 млрд. тг құрайтын 5 инвестициялық жобаны («Стандарт цемент» ЖШС, «ДДЭК» ЖШС, «Амир-А» ЖШС, «Бал тестиль» ЖШС, «ЮгOil Pro» ЖШС) жүзеге асыру арқылы 592 жұмыс орнын ашу жоспарланған. Қазіргі таңда индустриялық аймақта 2 жоба жүзеге асырылған. 

Экономика және қаржы бөлімі басшысының баяндамасын тыңдаған шаһар басшысы әр салаға жуапты  әкім орынбасарлары мен бөлім басшыларына тапсырмалар  беріп, аталмыш бағдарламалардың тыңғылықты орындалуын қадағалауды айтты.

Abai.kz

0 пікір