«قازاقستان شەكاراشىلارى قازاقستان تەرريتورياسىندا بولۋ ءتارتىبىن بۇزدى دەگەن كۇدىكپەن ءبىر تاۋلىكتە وزبەكستاننىڭ 16 ازاماتىن ۇستادى»، - دەپ حابارلادى «ازاتتىق راديوسى» بۇگىن ۇلتتىق قاۋىپسىزدىك كوميتەتىنىڭ (ۇقك) شەكارا قىزمەتىنە سىلتەمە جاساپ. 

شەكارا قىزمەتىنىڭ مالىمەتىنشە، "باتىس" ايماقتىق باسقارماسىنىڭ "ايتەكە بي" زاستاۆاسىنىڭ شەكاراشىلارى قارابۇتاق ەلدى مەكەنى اۋماعىندا وزبەكستاننىڭ التى ازاماتىن ء"تيستى قۇجاتتارى بولمادى" دەگەن كۇدىكپەن ۇستاعان. وڭتۇستىك قازاقستان وبلىسى (وقو) تولە بي اۋدانىنىڭ لەڭگىر قالاسىندا "وڭتۇستىك" ايماقتىق باسقارماسىنىڭ "لەڭگىر" كومەنداتۋراسىنىڭ اسكەريلەرى قازاقستان تەرريتورياسىندا بولۋ ءتارتىبىن بۇزدى دەگەن كۇدىكپەن وزبەكستاننىڭ التى ازاماتىن ۇستاعان. ۇستالعاندارعا قاتىستى ماتەريالدار وقو-نىڭ اۋداندىق ميگراتسيالىق پوليتسياسىنا جىبەرىلگەن.

ال الماتى وبلىسىنىڭ ۇيعىر اۋدانىندا شەكارادا پاسپورتتى تەكسەرۋ كەزىندە "شىعىس" ايماقتىق باسقارماسىنىڭ شونجى شەكارا وتريادى شەكاراشىلارى وزبەكستاننىڭ ءتورت ازاماتىنىڭ "شەكارا رەجيمىن بۇزعانىن" انىقتاعان.

شەكارا قىزمەتى وزبەكستان ازاماتتارى شەكارالىق ايماقتاردا شەكارا رەجيمىن بۇزعانى ءۇشىن اكىمشىلىك جاۋاپقا تارتىلىپ، 4955 تەڭگە (شامامەن 26 اقش دوللارى) كولەمىندە ايىپپۇل سالىنعان.

اباي-اقپارات