جەكسەنبى, 20 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
بيلىك 6453 0 پىكىر 30 شىلدە, 2015 ساعات 15:42

«100 ناقتى قادام» – زور مۇمكىندىكتەردىڭ باستاۋى

 

ۇستىمىزدەگى جىلدىڭ 29 شىلدەسىندە قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ (بۇدان ءارى – دەپارتامەنت) ۇيىمداستىرۋىمەن قازاق مەملەكەتتىك قىزدار پەداگوگيكالىق ۋنيۆەرسيتەتىندە ەلباسىنىڭ بەس ينستيتۋتسيونالدى رەفورماسى – «100 ناقتى قادام» – ۇلت جوسپارىن ءتۇسىندىرۋ ماقساتىندا كەڭەيتىلگەن ءماجىلىس بولىپ ءوتتى.

ۋنيۆەرسيتەت رەكتورى دينار جۇسىپالىقىزى نوكەتاەۆا ءوز بايانداماسىندا ەلباسى ۇسىنعان 5 ينستيتۋتسيونالدىق رەفورمانىڭ جالپىجۇرتتىق دەڭگەيدە بىردەن قولداۋ تاۋىپ، حالىقتىق رەفورما دەگەن اتقا يە بولعانىن ايتتى. بۇل – ۇلتتىق جوسپاردىڭ كوكجيەگى كەڭ، ماڭىزى وراسان  ەكەنىن ايعاقتايدى. قازاق ەلى كۇن ساناپ كوركەيىپ، دامىپ كەلە جاتقانى اقيقات. ەلباسىنىڭ رەفورماسى جانە ونىڭ ورىندالۋ جولىنداعى تياناقتى 100 قادامى ەلىمىزدىڭ ءوسىپ-وركەندەۋىندەگى تەزدەتكىش كاتاليزاتور ىسپەتتى. وسى جۇيەلى جوس­پاردا مەملەكەت تاراپىنان حالىقتىڭ رۋحاني-مادەني دامۋىنا باسا نازار اۋدارىلعاندىعى كوپ نارسەنى كورسەتەدى دەدى. سونداي-اق، دامۋدىڭ 100 ناقتى قادامىنان قۇرالعان ۇلت جوسپارى قازاقستاننىڭ جاڭا تاريحي شارتتار بويىنشا دۇنيە ءجۇزىنىڭ وزىق ەلدەرىنىڭ قاتارىنا قوسىلۋ جوسپارىنا جاۋاپ بەرەتىندىگىن ايتتى. اتالعان جوسپارداعى جوعارى وقۋ ورىندارىنا ارنالعان ناقتى 7 قادامعا جەكە-دارا توقتالعان باسشى، ەلباسىنىڭ ءبىلىم-عىلىم، تاربيە سالاسىنداعى ويلارىن ورتاعا سالدى.

المالى اۋدانى سوتىنىڭ ءتورايىمى قايىنجامال ساپارقىزى بۋباحانوۆا ءوز بايانداماسىندا رەفورمالىق جۇيەلى ۇلت جوسپارپارىنىڭ، ناقتى 100 قادامنىڭ دامۋى مەن جۇزەگە اسىرۋىنا توقتالىپ ءوتتى. جوعارى سوتتىڭ مۇمكىندىكتەرى مەن جاستار الەۋەتىنە باسا نازار اۋداردى. سونداي-اق، دەپارتامەنت قىزمەتكەرى بەرىك مىرزالىۇلى ءجۇسىپوۆ جانە ۋنيۆەرسيتەتتىڭ زاڭگەر-قۇقىقتىق جۇمىستار جونىندەگى مەنەدجەرى رىسقاليەۆ داۋلەت ورازعاليۇلى بايانداما جاساپ، تاقىرىپقا بايلانىستى كەڭ كولەمدە تۇسىندىرمە جۇمىسىن جۇرگىزدى.

جيىن بارىسىندا پروفەسسور-پەداگوگتىق ۇجىم مەن باسشىلار قاۋىمى ءبىلىم، عىلىم سالاسىنا كەڭىنەن توقتالدى. ءبىلىم – ۇلتتىڭ باسەكەگە قابى­لەتتىلىگىن ارتتىرۋدىڭ باستى قۇرا­لى بولىپ تابى­لاتىندىق­تان، ۋنيۆەرسيتەتتەردىڭ وقۋ-ادىس­­تەمەلىك جۇمىسى كەشەندى تۇردە دامىتىلىپ، ءبىلىم بەرۋدىڭ ۇلتتىق ۇلگىسىنە ءوتۋ ارقىلى ءبىلىم دەڭگەيىن حالىقارالىق دارەجەگە جەتكىزەتىن، الەمدىك پەداگوگيكانىڭ وزىق ۇلگى­لەرىن جاڭاشىلدىقپەن دامىتاتىن كاسىبي قۇزىرەتتى ۇستاز دايىنداۋ جولعا قويىلاتىندىعى ايتىلدى. 78-قادامدا كورسەتىل­گەندەي، «نازارباەۆ ۋنيۆەرسيتەت تاجىريبەسىن ەسكەرە وتىرىپ، جوو-لاردىڭ اكادە­ميالىق جانە باسقارۋشىلىق دەربەستىگىن كەزەڭ-كەزەڭىمەن كەڭەيتۋ ماسەلەسى; كوممەرتسيالىق ەمەس ۇيىمدارداعى جەكەمەنشىك جوو-لارىن حالىقارالىق تاجىريبەگە سايكەس ترانسفورماتسيالاۋ» ماسەلەلەرى ۇرپاق مۇددەسى ءۇشىن اسا قۇندى ەكەندىگى; 79-قادام ناقتىلاعانداي، ء«بىلىم بەرۋ جۇيەسىندە – جوعارى سىنىپتار مەن جوو-لاردا اعىلشىن تىلىندە وقىتۋعا كەزەڭ-كەزەڭمەن كوشۋ ماسەلەسى;  دايارلاناتىن كادرلاردىڭ باسكەلەستىك قابىلەتىن ارتتىرۋ جانە ءبىلىم بەرۋ سەكتورىنىڭ ەكسپورتتىق الەۋەتىن كوتەرۋ ماسەلەسىنە قاتىستى كاسىبي كوزقاراستار ءبىلدىرىلدى. ۇلت جوسپارىنىڭ 87-قادا­مىن­دا ايتىلعان «ازامات­تىق بىرتەكتىلىكتى نىعايتۋداعى «مەنىڭ ەلىم» ۇلتتىق جوباسىن ازىرلەۋ، ءاربىر ازاماتقا جانە شەتەلدىك تۋريسكە ەل تۋرالى بىلۋگە كومەك­تەسۋ» جونىندەگى جايتتار دا ورتاعا سالىنىپ، «شەتەلدىك قوناقتارمەن بايلانىس جاساۋ­دا ەلىمىزدىڭ ءاربىر ازاماتى قازاقستان تۋرالى وتە جاعىمدى ءارى نانىمدى كوزقاراس قالىپتاستىرۋ باعىتىندا جۇمىس ىستەۋى كەرەك» كەرەك دەگەن ورتاق وي ايتىلدى.

 

0 پىكىر