ەستەرىڭىزدە بولسا، قاراساي اۋدانىنداعى جاڭاتۇرمىس ورتا مەكتەبىنىڭ مۇعالىمى ايمان ساعيدۋللاەۆانىڭ جانايقايى تۋرالى Abai.kz پورتالى دا بىرقاتار باق-تىڭ قاتارىندا ماسەلەلەر كوتەرىپ، ماتەريالدار، حاتتار جاريالادى. قوعامدىق تالقى مەن تالاپ تەككە قالماسا كەرەك، Abai.kz پوشتاسىنا ايمان ساعيدۋللاەۆا جىبەرگەن مينيسترلىكتىڭ اقپاراتتىق حابارلاماسىن نازارلارىڭىزعا ۇسىنامىز:

مينيسترلىك ءوز تاراپىنان بۇنداي جاعدايعا جول بەرۋگە بولمايتىندىعىن رەسمي تۇردە حابارلايدى، سونداي-اق، وقۋ ۇدەرىسىنىڭ بۇكىل قاتىسۋشىلارىن جانە جەتەكشىلىك ەتەتىن ورگانداردى، ۇستازدار مەن ءبىلىم بەرۋ سالاسى قىزمەتكەرلەرىنىڭ ەڭبەگىن باعالاپ، مۇعالىمدەردىڭ مارتەبەسىن ارتتىرۋعا شاقىرادى. 
وسى ماقساتتا مينيسترلىك ارنايى جۇمىستار اتقارىپ كەلەدى: جىل سايىن مۇعالىمدەرىن بىلىكتىلىكتەرىن ارتتىرۋ ماقساتىندا گرانتتار ءبولىپ، پەداگوگيكالىق ماماندىعىنا وقۋعا تۇسەتىن جاستار ءۇشىن وقۋ اقىسىن ارزانداتتى. ۇستازداردىڭ بىلىكتىلىگىن ارتتىرۋدىڭ ستراتەگيالىق ءتۇرلى باعدارلامالار بويىنشا ولاردىڭ قابىلەتتىلىكتەرىن ارتتىرىپ، ەڭبەك اقىسىن جوعارىلاتۋدىڭ جوسپارى بەكىتىلدى. 
مينيسترلىك قوعامداعى جاعدايعا، سونىڭ ىشىندە مۇعالىمدەردىڭ جاعدايىنا بەي-جاي قاراماي، ءوز پىكىرلەرىن بەلسەندى ءبىلدىرىپ، ازاماتتىق تانىتقان ماقالا اۆتورلارىنا العىس بىلدىرەدى، سونداي-اق تالقىعا سالىنىپ جۇرگەن ءبىلىم جۇيەسىندەگى وتكىر ماسەلەلەر بولاشاقتا بولمايدى دەگەن سەنىمدە.

17.07.2015

ءبىلىم جانە عىلىم مينيسترلىگى.

Abai.kz