قازاقستان ارمياسى جاڭا شاقىرىلعان 12 مىڭ ساربازبەن تولىعادى، - دەپ حابارلايدى Tengrinews.kz  قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

"1 قازاننان بەرى قازاقستاننىڭ قارۋلى كۇشتەرىنىڭ بولىمدەرى مەن قۇرامالارىن جاس ساربازدارمەن جاساقتاۋ جونىندەگى مەديتسينالىق جانە شاقىرۋ كوميسسيالارى جۇمىسىن باستادى. بيىلعى كۇزدە اسكەرگە 12 مىڭ سارباز شاقىرىلادى", - دەپ حابارلاعان قورعانىس مينيسترلىگىنىڭ ءباسپاسوز قىزمەتى.

مەرزىمدى اسكەري قىزمەت ساربازدارى ءۇشىن اسكەري بورىشتى وتەۋ مەرزىمى - 12 اي.

وتكەن جىلى قازاقستان اسكەرىنە 10 مىڭنان استام جاس سارباز الىنعان. بۇعان دەيىن 2016 جىلى قازاقستان اسكەرىنىڭ كاسىبي ارمياعا اينالاتىنى حابارلانعان.

اباي-اقپارات