26 قازان كۇنى استاناداعى بەيبىتشىلىك جانە كەلىسىم سارايىندا رف تاتارستان رەسپۋبليكاسىنىڭ استاناسى قازان قالاسىندا 19 جانە 21 قاراشادا ۇيىمداستىرىلاتىن «Turkvizyon-2014» بايقاۋىنا قاتىسۋ ءۇشىن قازاقستاندىق انشىلەر اراسىندا فينالدىق ىرىكتەۋ سىنى ءوتتى. بايقاۋ «حابار» ارناسىنان تىكەلەي ەفيردە كورسەتىلىپ، كورەرمەندەر ۇيالى وپەراتورلار ارقىلى داۋىس بەردى. بايقاۋدا ەلىمىزدىڭ جاس انشىلەرى باق سىنادى. ولاردىڭ اراسىندا اقبيكەش، «الاشۇلى» توبى، «VoiceKz» توبى، داستان ورازبەكوۆ جانە «تت» توبى، ەربول ءشارىپوۆ، جانار دۇعالوۆا، مارحابا سابيەۆا، نۇربولات ابدۋللين، نۇرجان كەرمەنباەۆ،   سەرىك يبراگيموۆ، Sanda, «الشى» توبى، «V-Alem» توبى، ابدۋلكاريم كاريموۆ، بەيبىت كۋشكاليەۆ، دياس ابلاەۆ.    

بايقاۋ سوڭىندا كورەرمەندەر داۋىسى جانە ادىلقازى القاسىنىڭ قويعان ۇپايىنىڭ  قورىتىندىسى بويىنشا 30% كورسەتكىشپەن  جانار دۇعالوۆا اۆتورلىق ء«ىزىن كورەم» انىمەن جەڭىمپاز اتاندى. ەندى ەل نامىسىن  الەمدىك ساحنادا قورعايدى. 

     ەكىنشى ورىندا نۇرجان كەرمەنباەۆ «قازاقتىڭ بالاسى» انىمەن، ءۇشىنشى - سەرىك يبراگيموۆ «جاياۋ» اتتى انىمەن، ءتورتىنشى   - «الاشۇلى» توبى «ادامزاتقا نە كەرەك» انىمەن جانە بەسىنشى داستان ورازبەكوۆ «تت» توبىمەن بىرگە ورىنداعان «قازاقپىن مەن» انىمەن ۇزدىك بەستىككە كىردى. 

      قازىلار القاسىنىڭ قۇرامىندا كومپوزيتور جانە پروديۋسەر رەنات عايسين، ايتىسكەر اينۇر تۇرسىنباەۆا، استانا قالاسىنىڭ مادەنيەت باسقارماسىنىڭ باسشىسى بولات ماجاعۇلوۆ، ءانشى التىناي جوراباەۆا مەن كومپوزيتور ارمان دۇيسەنوۆ بولدى.  

تورعىن ءابۋشاحمان

Abai.kz