مەملەكەت باسشىسى نۇرسۇلتان نازارباەۆ پراۆوسلاۆ حريستياندارى مەن بارلىق قازاقستاندىقتاردى روجدەستۆو مەرەكەسىمەن قۇتتىقتادى، دەپ حابارلايدى اقوردانىڭ ءباسپاسوز قىزمەتى. قۇتتىقتاۋدا بىلاي دەلىنگەن:

قىمباتتى وتانداستار!

پراۆوسلاۆيە حريستياندارىن جانە كۇللى قازاقستاندىقتاردى جارقىن دا ىزگى مەرەكە – روجدەستۆو مەيرامىمەن قۇتتىقتايمىن!
ەكى مىڭ جىل بويى روجدەستۆو مەرەكەسى ءدىندارلاردىڭ جۇرەگىنە قۋانىش پەن ءۇمىت ۇيالاتىپ، قايىرىمدىلىق پەن ادىلدىككە، مەيىرىمدىلىك پەن كەشىرىمدىلىككە سەنۋدىڭ نىشانى بولىپ كەلەدى. بۇل – ىزگى نيەتتەر مەن قايىرىمدى ىستەردىڭ، كومەككە مۇقتاج ادامدارعا قامقورلىقتىڭ ۋاقىتى.
ءبىزدىڭ زامانىمىزدا پراۆوسلاۆتار قاۋىمى وزدەرىنىڭ عيبادات ەتۋ ءداستۇرىن جالعاستىرىپ كەلەدى. ول ادامداردىڭ ءدىني سەنىمىنە، رۋحانيات قاينارىنان سۋسىنداۋىنا كومەكتەسىپ، مورالدىق ۇستانىمدارى مەن ءداستۇرلى وتباسىلىق قۇندىلىقتارىن نىعايتۋدا.
پراۆوسلاۆيە حريستياندارى ەلىمىزدەگى كونفەسسياارالىق كەلىسىمدى، قوعامدىق تۇراقتىلىق پەن تاتۋلىقتى ساقتاۋعا سۇبەلى ۇلەس قوسىپ كەلەدى. قازاقستاندىقتار ءدىني نانىمدارى مەن ەتنوستىق شىعۋ تەكتەرىنە قاراماستان قۋانىشتارىن ءبىر-بىرىمەن بولىسەدى.
وسى جارقىن مەرەكەدە بارشا دىندارلارعا دەنساۋلىق، رۋحاني كۇش، يگى باستامالارىنا ساتتىلىك تىلەيمىن! شاڭىراقتارىڭىزدان شاتتىق، تاتۋلىق پەن مولشىلىق كەتپەسىن!

اباي-اقپارات.