بۇگىن، 21 مامىر  اۆستراليا رەسەيگە سالىنعان سانكتسيالار كولەمىن  كەڭەيتە تۇسكەنىن جاريالادى. BBC-دىڭ حابارلاۋىنشا  اۆستراليا بيلىگى ۋكراينانىڭ تەرريتوريالىق تۇتاستىعى مەن سۋۆەرەنيتەتىنىڭ بۇزىلماۋىنا نيەتتەستىگىن ءبىلدىرۋ ماقساتىندا وسىنداي قادامعا بارىپ وتىر.  سانكتسيا مازمۇنى قارجىلىق سانكتسيالار جانە رەسەيلىك، ۋكرايندىق  تۇلعالارعا ۆيزا بەرمەۋ ماسەلەسى، سونداي-اق قارا تىزىمگە ەنگەن كومپانيالارعا شارا قولدانۋدى قامتيدى.

اۆستراليا سىرتقى ىستەرى مەن ساۋدا مينيسترلىگى باسشىسى دجۋلي بيشوپ: «مەن ۋكراينا شىعىسىنداعى ۋشىققان ەسكالاتسيامەن، بەيبىت تۇرعىندار ولىمىنە اكەلىپ سوققان ەلدەگى جاعدايعا قاتتى الاڭدايمىن. اۆستراليا ۋكراين حالقىنا جاسالىپ جاتقان رەسەيدىڭ قيتۇرقى  ساياساتىن وزگەرتۋىنە مۇددەلى. ەلدەگى تۇراقسىزدىقتى قالپىنا كەلتىرۋدى ويلاسۋىمىز كەرەك»، - دەپ اتاپ كورسەتكەن.

جاڭا سانكتسيا سالىنعاندار تىزىمىنە 38 رەسەيلىك جانە ۋكرايندىق تۇلعا،  سونداي-اق 11 كومپانيا كىرگەن. بۇل سيپاتتاعى اۆستراليا سانكتسيالارى ۋكراينا شىعىسىنداعى جاعدايعا سەبەپكەر بولعان 50 ادام مەن 11 كومپانياعا قيىندىق تۋعىزاتىن بولادى.

اباي-اقپارات