سارسەنبى, 21 اقپان 2024
قوعام 5823 0 پىكىر 29 شىلدە, 2014 ساعات 17:32

ەەاو نەنى كوزدەيدى

قازاقستاندىق جانە رەسەيلىك اقپارات بەتتەرى ەكونوميكالىق وداقتىڭ ءوز ۆاليۋتاسى بولاتىنى تۋرالى جارىسا جازۋدا. كەلەسى جىلدىڭ ءبىرىنشى قاڭتارىنان باستاپ جۇمىس ىستەيتىن ەاەو-نىڭ الداعى 5-10 جىلدا ءوز ۆاليۋتاسى بولماق. ياعني ونسىزدا قۇنى جوق تەڭگەنىڭ جانازاسى جاقىندا شىعىپ قالادى دەگەن ءسوز. وسىعان دەيىن ورتاق ۆاليۋا تۋرالى اڭگىمەنى كولدەنەڭ جۇرت ايتىپ كەلسە بۇل جولى رف-نىڭ بىلدەي ۆيتسە-پرەمەرى يگور شۋۆالوۆ ايتى. ول سوۆەت وداعىنىڭ تاراۋىن جاي عانا ەكونوميكالىق كەڭىستىكتىڭ ىدراۋى دەپ تۇسىنەدى ەكەن. استانا ارناسى جاڭالىقتارىنا قاراڭىز، ەۋرازيالىق وداققا قول قويىلار الدىندا بۇل سۇراقتان بارىنشا اينالىپ ءوتىپ، بۇل ماسەلە تالقىلانبايدى دەپ جۇرگەن شۋۆالوۆ ەندى ەلدىڭ قۇلاعىنا سۋىق ءسوز سالىپ جاتىر.

ۆاليۋتا – مەملەكەت تاۋەلسىزدىگىنىڭ كەپىلى، ۇلتتىق ءرامىز سىپەتتى. وداق جۇمىسى باستالماستان كوپتەگەن «ورتاقتار» تۋرالى اڭگىمەلەر قىلاڭ بەرىپ جاتىر. ەشقانداي «ساياسي سىپاتى جوق» وداق قۇجاتىنا قول قويىلاردان بۇرىن، ءماسىموۆتىڭ ءبىرىنشى ورىنباسارى باقىتجان ساعىنتاەۆ ورتاق ۆاليۋتا بولمايدى دەپ كەسىپ ايتقان بولاتىن. ەندى ونى ارىپتەسى «وتىرىكشى» قىلىپ وتىر.

جاپ-جاڭا وداقتىڭ 1 قاڭتارعا دەيىن ءبىز بىلمەيتىن ءالى قانشا سىرى اشىلاتىنىن كىم ءبىلسىن، ەڭ باستىسى بيلىك حالىقتى الداماۋى جانە تالاپ-تىلەگىن تىڭداۋى كەرەك. وسى رەتتە باقىتجان ءابدىرۇلىنان ءوز «وتىرىگىنىڭ» سىرىن ءتۇسىندىرۋدى سۇرايمىز. وداقپەن بىرگە وزىق ەل بولامىز دەپ ورعا ءتۇسىپ جۇرمەيمىز بە؟ ەكونوميكالىق كەڭىستىكتە قازاقستاننىڭ تاباتىن پايداسىن ەمەس، بەرەتىن بوداۋى قانشالىق بولاتىنىن  بىلگىمىز كەلەدى.

نۇرعالي نۇرتاي

Abai.kz

0 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1516
ءالىپبي

لاتىن جايى

بيجومارت قاپالبەك 1563